« Confirmatio Roberti comitis de Drocis. »
- B Deux lacs de soie rouge et verte. Arch. dép. Eure-et-Loir, H 2336 (ancienne cote : n° 5 bis de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Universis presentes litteras inspecturis, ego Robertus, comes de Drocis et Montisfortis, et Beatrix, uxor mea, salutem in Domino. Noverint universi quod ego Robertus receptus in homagio et fide comitatus Montisfortis et Beatrix, uxor mea heres tocius terre dicti comitatus, laudamus, approbamus, et etiam intuitu pietatis confirmamus conventiones habitas inter virum nobilem bone memorie dominum Ferrandum de Pontivo et dominam Lauram Montisfortis, ejus uxorem, ex parte una, et priorem Sancti Thome de Sparnone ex altera, prout in litteris dictorum nobilium continetur que sic incipiunt : Universis presentes litteras inspecturis, Ferrandus, filius illustris Regis Hispanie, heres Pontivi, etc. , et quorum finis talis est : in cujus rei testimonium nos in hoc unanimiter concordantes predictis religiosis presentes dedimus litteras sigillorum nostrorum munimine roboratas. Actum . Et promitimus dictis religiosis quod nos omnia contenta in dictis litteris tanquam domini contra omnes juri et legi parere volentes bona fide garandizabimus eisdem. Item ego Robertus et dicta Beatrix uxor mea heres comitatus Montisfortis, ad perpetuam memoriam presentes litteras sigillorum nostrorum sigillatas dedimus et concessimus predictis religiosis. Et promittimus nos contra non venire et specialiter Beatrix, uxor mea quia heres est comitatus Montisfortis, de auctoritate et assensu meo, non dolo, non vi ad hoc inducta sed spontanea voluntate sua omnia premissa et singula voluit et concessit de auctoritate mea et laudavit et approbavit et in premissis consensit. Ego vero Beatrix predicta ut omnia premissa et singula mancant rata in perpetuum valeant, omnia premissa et singula volo et concedo et in hiis consentio de auctoritate dicti mariti mei, et ea promitto spontanea voluntate mea me tenere et contra non venire. Et ad fidem perpetuam faciendam ego Beatrix predicta sigillum meum una cum sigillo predicti Roberti, mariti mei, duxi presentibus litteris apponendum. Data 1. »
