« ..... Florent seigneur d'Illiers.... chambellan du Roy et son bailli à Chartres..... par devant Macé Godefroy..... tabellion..... du Roy.....vint et fut présent Girard Rigault, natif de Beauvoir, naguèeres demourant à Dainville en la chastellenie de Gambès et de présent au lieu de Curé près de Grant Champ et de la Hautteville, lequel congnut et confessa que dès le vendredi deuxiesme jour de may derrenier passé l'an mil CCCC soixante, il print à vente ou pension annuelle de lors jusques à cinquante neuf ans prochains et ensuivantz..... de religieuse personne et honneste frère Clément de Saint Lomer, prieur du prieuré de Saint Thomas d'Espernon, ou diocèze de Chartres, membre deppendant de l'abbaye et monastère de Maire Moustier près de Tours, ung lieu appelé Curé si comme il se poursuit et comporte tant en places et masures où jadis souloit avoir maisons, granches et estables, court, jardin et demi arpent de freiche ou souloit avoir vigne assis près de l'abbaye de Grant Champ et de la Hauteville, tenant d'une part au chemin par ou l'en va de Nogent le Roy à Grant Champ et d'aure part au chemin par ou l'en va dudit Nogent à Houdent, abutant d'un bout aux religieux de Grant Champ, avecques toutes les terres, prez, noës et autres appartenances quelzconques dud. lieu de Curé. Ceste prinse faicte pour le pris et somme de vint solz tournois de rente ou pension annuelle que ledit preneur promist et gaigia par la foy de son corps rendre et paiers par lui ses hoirs.... chascun an au terme de la Sainct Rémy en l'ostel dudit prieur d'Espernon..... Donné soubs le seel de la chastellenie de Chartres le lundi vint septiesme jour d'avril l'an mil CCCC soixante ung.

« M. GODEFROY. »