« ... Thibault d'Armignac, dit de Termes, escuier d'escuierie du Roy nostre sire et son bailli à Chartres... par devant Pierre Gilon... tabellion... à Chartres et garde des seaulx de la chastellenie d'icelui lieu, vindrent et furent présens Pasquier Caligne et Jehanne sa femme, demourans à Chartres en la parroisse Saint Hillaire, lesquels... congnurent... eulx avoir prins à cens annuel et perpétuel portans gans, ventes, admendes et deffaulx..... de religieuse et honneste personne frère Guille Aymez prieur d'Espernon ou diocèze de Chartres..... une place de moulin et maison assise audit lieu d'Espernon, avec un jardin appartenant audit moulin tout contenant demi arpent de terre ou environ..... jouxte une aire qui fut à feu Pierre Tassin d'une part, et ledit prieur d'autre part, abutant d'un bout à la gaire des prez et d'autre bout à l'arche, en la censive dudit prieur. Ceste prinse faicte pour et parmy ce que lesd. preneurs..... seront tenuz et ont promis...... faire construire et édiffier en lad. place de moulin, dedans deux ans, ung moulin à draps, à tan ou autres choses telz qu'ilz vouldront, sauf à blé, le maintenir et soutenir à tousjours mès en bon et suffisant estat, aler mouldre le blé de la despense de l'ostel et famille desd. preneurs au moulin à blé dud. prieur que est audit lieu d'Espernon, et avec ce pour le pris et somme de soixante sols tournois de cens annuel et perpétuel portant gans..... etc., etc. Le vendredi xi^e jour d'avril l'an mil CCCC cinquante cinq.

« GILON. »