« Quarta de arbitrio decimarum sitarum in parrochia de Mittenivilla juxta Marchesium. »
- B N° 41 ter de la liasse. Double queue de parchemin, double exemplaire.
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Universis presentes litteras inspecturis, Robertus de Creciaco,s clericus domini archidiaconi Carnotensis, salutem in domino. Noverint universi quod cum contentio verteretur inter religiosum virum priorem de Sparnone ex una parte, et Galterium presbiterum et personam de Mittenivilla ex altera, super explanationem cujusdam arbitrii prolati ab Odone decano de Medonta, et Philippo presbitero de Hermercio modo thessaurario de Pontisara, super decimis quarumdam terrarum sitarum in parrochia de Mitenivilla juxta marchesium Girout prope cheminum qui dicitur cheminus Vacarum. Et dicti prior et presbiter super dicta contentione de bonorum virorum consilio compromisissent in jure sub pena viginti librarum et per fidem, ita quod quisquis eorum a prolatione seu declaratione dicti arbitrii resiliret, dicta pena commiteretur contra eum ; ad audiendum arbitrium. seu declarationem arbitrii predicti in presentia mea dictis partibus assignato, de bonorum virorum consilio, dictam prolationem arbitrii explanavi et declaravi in hunc modum : videlicet quod dictus prior et successores sui de cetero nomine prioratus jam dicti annuatim percipient pacifice et quiete decimas viginti trium arpentorum et duarum partium unius arpenti bladatorum annuatim non de melioribus terris nec deterioribus, sed de mediocribus in dicta parrochia de Mitenivilla scilicet inter cheminum qui dicitur cheminus Vacarum et dictum marchesium, ita quod illa arpenta incipient movere, a, marchesio Girout veniendo prope predictum cheminum ; ita quod si terra bladata non sufficeret usque ad predictum numerum inter dictum cheminum et dictum marchesium, quod dictus prior et successores sui perciperent defectum terre bladate in terra bladata que erit propinquior dicto marchesio, dictus vero prior vel ejus successores in decimis in parrochia de Mitenivilla existentibus amplius non poterunt reclamare. Et quia sigillum proprium non habebam presentes litteras, ad petitionem, dictarum partium sigillo Curie archidiaconi Carnotensis feci sigillari. Datum . »
