« Sententia super foragio vini venditi apud Spernonem. »
- B Double queue et fragment de sceau en cire brune de forme ogivale portant une fleur de lis. Arch. dép. Eure-et-Loir, H 2337 (ancienne cote : n° 54 de la liasse).
- a Cartulaires de Saint-Thomas d'Epernon et de Notre-Dame de Maintenon, prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
(Extrait. ) « Universis presentes litteras, inspecturis, Albertus, decanus Sparnonis, salutem in Domino. Noveritis quod cum contencio verteretur inter religiosos viros abbatem et conventum Majoris Monasterii ex una parte, et relictam Arnulphi Boulart de Sparnone ex altera, auctoritate apostolica, coram venerabili viro decano Turonensi.... super eo quod dicti abbas et conventus petebant a dicta relicta quamdam costumam que vocatur foragium vini quod ipsa vendiderat seu exposuerat ad vendendum in quadam domo sita apud Sparnonem inter domum monialium Alte Brucrie et domum Eustachii dicti Prive, ante domum elemosine de Sparnone, in decimo mercato contingente ad priorem et prioratum Sancti Thome de Sparnone ; petebant etiam.... a dicta relicta sexaginta solidos et decem denarios pro emenda quod ipsa dolia in quibus dictum vinum vendiderat, non soluto dicto foragio......... defundavit cum secundum usum et consuetudinem usitatos in Sparnone illi qui dolium defundant non soluto foragio ad tantam emendam teneantur......... Tandem dicta relicta nolens subire calumpnie sacramentum, dictum foragium, scilicet quatuor denarios solvit priori de Sparnone....... Gagiavit etiam predictam emendam memorato priori...... promittens fide media in manu nostra prestita quod quocienscumque ipsa vendet vinum in dicta domo, in dicto decimo mercato..... foragium dicto priori reddet. In cujus rei testimonium..... . »
