École des chartes » ELEC » Cartulaires d'Île-de-France » Morienval » Cartulaire » Lettres de l'evesque de Amiens pour l'autologe de Parviller

Lettres de l'evesque de Amiens pour l'autologe1 de Parviller

Enguerrand, évêque d'Amiens, confirme au couvent de Morienval la possession de l'église de Parvillers, qui lui avait été concédée par Gervin, son prédécesseur (1091 - 1102).

  • B Bibl. nat. de France, lat. 9987, fol. 37, n° 23.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

In nomine patris et filii et spiritus sancti. Amen. Ingerannus dei gratia Ambianensis ecclesie humilis episcopus, universis sancte matris ecclesie filiis tam presentibus quam futuris, sic per bona temporalia transire ut ad eterna valeant feliciter pervenire. Cum per amplissima regionis universe climata ab antiquis patribus longe late que imprimis sancta fundaretur ecclesia non solum auro argento gemmis et aliis quibusdam quam decere videbantur ornamentis, digne laudabiliter munierunt. Verum etiam terras decimas et alia hujusmodi beneficia eidem contulerunt. Que cum hec et alia libertatis plurima tempore patrum libere possideret et eorum munita presidiis incommodare volentibus quandoque resistebat quando que tamen prout erat asperior prose conventui impetus usque ad auferendas terras, possessiones, colla sumittere penitus oportebat. Post modo vero filiorum tirannidem in quo poterant resecantes pariterque utili et honesto sancte matris ecclesie non ad modicum in futurum providentes dignum quidam duxerunt patres prescripti ut eorum que haberet adhibitis probabilium personarum tam clericorum quam laicorum testimoniis, singula privilegium mater obtineret ecclesia quatinus annis et abeuntibus, si forte aliquorum invidia suis eam beneficiis quandoque privare conaretur usque in secundam tertiam et quartam progeniem et ultra, in testimonium ecclesie quasi vox viva littera loqueretur ad eorum igitur immutationem, Ego Ingeranus dei gratia Ambianensis ecclesie humilis Episcopus2 consimilem quorum libet avaritiam supra hujus rei negocio in quo possum preveniens, altare de Parvillari cum appendiciis ejus prose per trecennalem possessionem obtinuisse legitimam concessione domui Gervini predecessoris nostri pariter que Fulconis archidiaconi multorum testimonio asserebat, Monasterio Morienvallensi abbatisse Mathildi pariter que monialibus tam futuris quam presentibus ibi deo servientibus in presentia personarum Ambianensis Ecclesie et canonicorum concedo. Salvis que Ambianensis Ecclesie debitis et consuetudinibus sigilli mei annotatione confirmo. Actum est hoc , regnante Francorum rege Lugdovico3 consule Ambianensi Karolo4 feliciter. Amen.


1 Attalagium.
2 Sous le nom d'Ingelram, la Statistique religieuse (Migne) porte son avénement à 1115 seulement (1115-9 nov. 1127)
3 Louis XI.
4 Charles, comte d'Amiens.