École des chartes » ELEC » Cartulaires d'Île-de-France » Morienval » Cartulaire » 1142

Confirmation donnée, en 1257, par l'official de Soissons d'un accord qui s'était fait entre les abbés de Cisteaux et de Prémontré à cause de difficultés esmeucs par leurs Religieux. (D. Grenier).

  • A Arch. dép. de l'Oise.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Universis presentes litteras inspecturis. Magister Johannes de Par, canonicus et officialis Suessionensis salutem in domino. Noverint universi quod nos , vidimus Litteras Religiosorum virorum Cisterciensis et Premonstratensis Abbatum non abolitas non cancellatas nec viciatas in hec verba. In nomine sancte et individue Trinitatis Patris et Filii et Spiritus sancti. Amen.

Confirmacio societatis et pacis inter Cystercienses et Premonstratenses.

Igitur ad custodiam pacis et civitatis utriusque capituli assensu, utrumque ordinem constitutum et confirmatum est. Ut nullus Cisterciensium canonicus, seu conversus Premonstratensis ordinis nullum Premonstratensem monachum vel novicium seu conversum Cisterciensis ordinis, nisi ex pari consensu recipiant. Nullus in utroque ordine locum ad abbatiam edificiat circa alterius ordinis abbatiam infra quatuor leucis ad mensuram uniuscumque provincie preter quod in Anglia duo leuge pro una computantur. Et Longobardia duo miliaria pro una leuga, nisi forte loca antiqua sint. Quod si nostri redditus et possessiones ad tenendum conventum sufficiant, de grangia ad grangiam sive de grangia ad abbatiam ad minus semper una intersit leuga.

Mansio vero sororum de abbatia distet duabus leugis. Verumtamen terre ille que ante annum Incarnationis et diem qui suscriptus est suscepti fuerant, sub hac lege non tenebuntur.

Siquidem singule terre ad integram carucam sufficerint vel ad edificandam abbatiam suscepte fuerint, nullus utroque ordine alter ab altero tam de nutrimentis quam de laboribus decimas exiget vel accipiet. Si aliquis in utroque ordine de qualibet re emendare vel acquirenda loco suo, prius tractare vel aliquam convenire incepit. Antequam sponte dimiserit : nullus de altero ordine sibi usurpare, vel impedire presumat Si forte in aliquibus locis inter aliquos utriusque ordinis aliquid queremonie emerserit, inter eos familiariter per aliquos religiosos mediatores componi non poterit, sine majori audiencia differetur et ad audientiam alter utrius generalis capituli referetur. Quisquis in eodem capitulo reus esse claruerit, quod intulit dampnum prius restituat et post modum in capitulum quem offendit veniam usque ad satisfactionem ante pedes ejus humiliat, reliquum vero penitencie in dispositionem Generalis Capituli seu ordinis permaneat commemorationem et plenarium officium pro omnibus defunctis suis singulis annis invicem facient.

Quod ut firmum deinceps et in eternum quandiu utriusque ordinis viguerit inconcussum permaneat Ego Renaldus Cysterciensis abbas et Generalis nostri Capituli conventus, ego quoque Hugo Premonstratensis abbas et generalis capituli nostri conventus presenti caritatis cyrographo firmamus et sigillis nostris pariter confirmamus. Signum Renaudi Cysterciensis, abbatis ; S. Bartholomei, abbatis de Firmitate ; S. domini Bernardi Clarevallensis, abbatis ; S. Wicardi Pontiniacencis, abbatis ; S Hugonis Premonstratensis, abbatis ; S. Walteri Laudunensis, abbatis ; S. Gerlandi Floresiensis, abbatis ; S. Henric Vidariensis ; Actum est hoc anno incarnationis dominice. mo centesimo quadragesimo secundo. Epacta vicesima secunda. Inditione quinta. Concurrente .

In cujus rei testimonium nos Officicialis Suessionensis presenti transcripto sigillum curie Suessionensis diximus apponendum.

Anno et die supra primo prescriptis.