École des chartes » ELEC » Cartulaires d'Île-de-France » Morienval » Cartulaire » 1145

Bulle du pape Eugène III. Confirmation des possessions du Lieu-Restoré adressée à l'abbé Haimon et à sa communauté. Des priviléges accordés à l'abbaye.

  • B Bibl. nat. de France, Moreau 66, n°2.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Eugenius Episcopus servus servorum Dei. Haimoni abbati de loco Restaurato ejusque fratribus tam presentibus quam futuris regularem vitam professis in perpetuum. Quia sine vero cultu religionis nec caritatis unitas potest subsistere nec Deo gratum exhibere servitium, expedit apostolice auctoritati religiosam personam diligere et earum quieti auxiliante Domino providere. Ea propter, dilecti in Dominum filii, vestris justis postulationibus clementer annuimus et prefatum locum in quo divino mancipati estis obsequio sub beati Petri et nostra protectione suscipimus et presentis scripti privilegio communimus. Statuentes ut quascunque possessiones, quecumque bona in presentiarum juste et canonice possidentis aut in futurum concessione pontificum, liberalitate regum, largitione principum, oblatione fidelium seu aliis justis modis prestante Domino poteritis adipisci, firma vobis vestrisque successoribus et illibata permaneant. In quibus hec propriis duximus exprimenda vocabulis.

Ex dono Radulfi comitis, terram arabilem de Bonolio que ad dominicatum ipsius pertinet. Terragium quoque quod ibidem habebat eo tenore quod si rustici, eam colere destiterint ad proprietatem vestram libere redeat. Pascua etiam et terram incultam et cursum aque ad faciendum molendinum Maurit et ausibus sue successioni ea retinetis. Ecclesiam de Berriniaco que per manum Manasse Meldensis episcopi ipso comite consentiente et postulante vobis tradita est. Decimam de Feniliis que ab ipso comite a militibus qui in feodo eam habebant tradita est et per manum Petri Silvanectensis Ecclesie episcopi vobis concessa. Decimam de Burfunteneio. Tertiam partem de Vameseio Nemus de sancto Medardo quod sub censu septem solidorum et dimidii monasterio sancti Medardi persolvendo vobis concessum est. Curiam de Monte-Bosonis cum suis appendentiis. Sive laborum vestrorum quas propriis manibus aut sumptibus colitis, sive de nutrimentis animalium vestrorum nullus omnium clericus vel laicus a vobis decimam exigere presumat. Decernimus ergo ut nulli omnino hominum, etc. Amen amen amen † † † (Episcopi cardinalis, etc. )

Datum Vetralte per manum Roberti sancte Romane ecclesie presbiteri cardinalis Amen. M. C. XLV pontificatus pro domine.

Eugenii pape III anno X.