École des chartes » ELEC » Cartulaires d'Île-de-France » Morienval » Cartulaire » Lettres de l'évesque de Soissons qu'il ne doit avoir que soixante nonnains.

Lettres de l'évesque de Soissons qu'il ne doit avoir que soixante nonnains.

Charte de Malou, évêque de Soissons, qui fixe à soixante le nombre des religieux dudit couvent.

  • B Bibl. nat. de France, lat. 9987, fol. 76, n°63.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Nivelo dei gratia Suessionensis episcopus omnibus imperpetuum. Noverint universi presentes et futuri quod cum monasterium de Morgneval instancia creditorum oppressum et ere alieno fuisset adeo pregravatum, quod fere usque ad exanimationem pervenerat extremam nisi per nostram sollicitudinem subventum fuisset eidem. Nos considerantes quod ipsius monasterii facultates ad sustentationem tante multitudinis monialium et eris aliene solutionem minime spectabant ut prefatum monasterium nostra diligentia et pastoralis officü sollicitudine posset aliquantulum respirare, de voluntate abbatisse totiusque conventus, communicato prudentium et religiosorum virorum consilio, ordinavimus et statuimus, perpetuis temporibus observandum, ut ultra sexagenarium numerum in monasterio prenominate moniales nullatenus assumantur, nec aliqua recipiatur, donec ad constitutum numerum redigantur, omnes anathematis vincula supponentes qui huic nostre constitutioni presumpserit obviare. Ut autem hec perpetuam optineant firmitatem presentem institutionem auctoritate pontificali duximus confirmandam. Actum .