École des chartes » ELEC » Cartulaires d'Île-de-France » Morienval » Cartulaire » Lettre d'un accort entre l'église de Céens et l'église du lieu restoré pour les dismes desseur Fresnoy.

Lettre d'un accort entre l'église de Céens et l'église du lieu restoré pour les dismes desseur Fresnoy.

Accord entre le couvent de Morienval et celui de Lieu Restauré, au sujet des dîmes de Fresnoy.

  • B Bibl. nat. de France, lat. 9987, fol. 79, n°66.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Ego Elinandus Loci Restaurati minister humilis, omnibus has litteras inspecturis imperpetuum. Noverint tam presentes quam futuri quod cum quedam terre quarum decime partim ad nos partim ad participes decime que sancti Dionisii dicitur in parrochiali territorio de Feniex aliisque territoriis circumjacentibus videlicet abbatissam Morgnevallis, canonicus sancti Gervasii Suessionensis et Andream militem de Bestizi, Hugonem de Viseri, et Petrum fratrem ejus et Wichardum de Ambleni pertinebant. Ita inter mixte et illaqueate essent quod frequentes in messium collectione inter fratres nostros de Houdrival et eosdem participes jurgia et discordie orirentur fratribus nostris ad decimationem nostram quasdam terras attrahere volentibus, quas illis de sua decimatione esse dicebant, similiter illis hoc idem facientibus. Tandem consilio bonorum virorum pro bono pacis in decimam quorumdam arpentorum que ad nos pertinebat eos habere permisimus et ipsi similiter quorumdam arpentorum decimam que eorum erat nobis dimiserunt. Ita quod ex una parte decimam nostram haberemus separatam a decima eorum et ipsi similiter decimam suam separatam a nostra haberent, unde metas hoc assignantes concorditer infiximus. Sunt autem hec mete que has decimationes determinant. Prima meta est fixa subter viam juxta salicem veterem prope aquam Autonne retro pontem Roout. Secunda est ad caput de Braela que dividit terras beate Marie Morgnevallis et sancti Arnulphi. Ab ista, itur per crestam montis ad tertiam que est juxta tegulariam et ab illa itur tota semita de Wastivoisin ad quartam que dividit terras beate Marie et sancti Crispini versus pedem juratum in semita fixa. Ab ista itur per deforis terram Philipi Mangoyre, ad sextam que est in angulo juxta terram domine Asteline et ab hoc angulo itur ad septimam metam que est in capite terre Landrici versus Crispeium. Aliarum metarum prima est ulmus de Fresnoy, sicut via tendit ad metam que est deforis rubum sancte Genovefe et ab hac cresta itur tota cresta montis usque ad monasterium de Bourgon et a monasterio per deforis vineam Bulduini nigri sicut recte itur ad fontem Wigerii et ab ipso fonte tota rivula usque ad aquam Autonne et ab ipsa aqua ad pontem de Fresnoy. Omnem decimationem quam nos ultra metas istas videlicet versus participes prenominatas habebamus per hanc compositionem eos imperpetuum habere concessimus ipsis similiter omnem decimationem infra dictas metas scilicet versus non ad eos pertinentes nos in perpetuum possidere concedentibus. Ut autem compositio firma et stabilis imperpetuum permaneat, assensu capituli nostri, eam sigilli nostri munimine roboravimus. Actum est hoc .