École des chartes » ELEC » Cartulaires d'Île-de-France » Morienval » Cartulaire » Lettres de la comtesse de Valois que il ne doit avoir en cette église que soissante nonais.

Lettres de la comtesse de Valois que il ne doit avoir en cette église que soissante nonais.

Charte d'Éléonore, dame de St-Quentin et de Valois, accordant à l'abbesse de Morienval la faculté de n'avoir en son couvent que soixante nonnains.

  • B Bibl. nat. de France, lat. 9987, fol. 87, n°77.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

In nomine sancte et individue trinitatis. Amen. Elienor Comitissa sancti Quintini et domina Valesie omnibus imperpetuum. Accedens ad nos B. Morgnevallis abbatissa, videns ecclesiam suam maxima sororum multitudine oneratam et aggravatam facultatibus etiam et appendiciis ejusdem ecclesie tenuibus et parvis et tante multitudini minime sufficientibus et deficientibus necessariis fore destitui, eo quod in nostro domanio ecclesia sita esset et fundata petivit a nobis ut ad hoc preberemus assensum quod certum numerum constitueret in ecclesia tam dicta auctoritate ordinis scilicet sexaginta sororum. Nos autem non injustas petitiones ipsius attendentes per peritorum ac religiosorum virorum consilium et per preces totius ejusdem ecclesie cenventus ad hoc inducte fuimus quod ad predicte abbatisse postulationem liberum prebuimus assensum et ne aliquis prefatum numerum presumat excedere, predicta abbatissa sub excomunicationis sententia apposuit inhibitionem, nisi forte aliqua in extremis laborans, si ad ecclesiam predictam deferri postulaverit et in religionis habitum vitam elegerit terminare. Ad hanc igitur institutionem tenendam illibatamque conservandam imposterum, presens scriptum sigilli nostri impressione voluimus confirmari. Actum anno domini millesimo ducentesimo quarto. Datum per manum Droconis clerici nostri.