École des chartes » ELEC » Cartulaires d'Île-de-France » Morienval » Cartulaire » Lettres de l'achat d'un mui que Pierre Bonnars prenoit chacun an à Bettencourt.

Lettres de l'achat d'un mui que Pierre Bonnars prenoit chacun an à Bettencourt.

Pierre Bonnart, curé de Rosel, au diocèse de Soissons, vend pour onze liv. parisis, à l'église de Morienval, un muid de blé de revenu annuel, à la mesure de Morienval, qu'il perçoit à Béthencourt.

  • B Bibl. nat. de France, lat. 9987, fol. 50, n°37.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Universis presentes litteras inspecturis magister Johannes de Ayssentis canonicus et officialis Suessionensis, salutem in Domino. Noverint universi quod coram nobis in jure propter hoc personaliter constitutus dominus Petrus dictus Bonnart presbiter curatus de Rosello, Suessionensis diocesis, recognovit se vendidisse bene et legitime et justo pretio mediante, videlicet pro undecim libris parisiensibus jam solutis sibi, ut dicebat, in pecunia numerata Religiosis mulieribus abbatisse et conventui monasterii beate Marie Morgnevallis unum modium bladi annui redditus ad mensuram Morgnevallis de hereditate ipsius presbiteri, quem modium bladi dictus presbiter venditor percipiebat et habebat annuatim jure hereditatis apud Bettencourt in grangia dictorum abbatisse et conventus, ratione cujusdam sergantarie feodate quam dictus presbiter a predictis abbatisse et conventu jure hereditario possidebat a prefatis abbatissa et conventu, imperpetuum tenendum habendum pariterque possidendum pacifice quiete. Cedens et concedens predictus presbiter prefatis abbatisse et conventui omne jus divinum, proprietatem, possessionem et quamlibet actionem que et quas habere dicebatur quoquo modo in dicto modio bladi vendito cum dicta sergantaria et in omni parte ejusdem, promittens nichilominus dictus presbiter fide et juramento in verbo Domini coram nobis prestitis ab eodem quod contra dictam venditionem per se vel per alium non veniet in futurum, et quod nec artem nec ingenium queret per quam seu per quod predicti abbatissa et conventus supra premissis vel aliqua premissorum possint aut debeant imposterum molestari vel gravari seu etiam in causam trahi coram aliqua justitia ecclesiastica vel seculari. Immo prefatus presbiter eisdem abbatisse et conventui supra premissis et quolibet premissorum legitimam feret garandiam ad usus et consuetudines patrie adversus omnes super hoc juri ac legi parere nolentes et renuncia vit in hoc facto predictus presbiter penitus et expresse exceptioni doli mali et exceptioni non numerate pecunie vel non solute et omnibus aliis exceptionibus et rationibus que de jure vel facto contra presens instrumentum seu contenta in eodem possent objici vel opponi et que dicto presbitero possent prodesse et dictis abbatisse et conventui nocere. In quorum omnium testimonium et munimen ad petitionem dicti presbiteri presentes litteras inde factas prefatis abbatisse et conventui sigilli curie Suessionensis tradidimus impressione munitas.

Datum et actum anno Domini millesimo ducentesimo septuagesimo primo, mense januario.