École des chartes » ELEC » Cartulaires d'Île-de-France » Morienval » Cartulaire » Lettres de procuration par devers le roy pour empetrer grace de élire abeesse en ceste église.

Lettres de procuration par devers le roy pour empetrer grace de élire abeesse en ceste église.

Demande au roi par les religieuses de Morienval pour obtenir la permission d'élire une abbesse au lieu et place d'Æide d'Ertry décédée

  • B Bibl. nat. de France, lat. 9987, fol. 39, n°25.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Excellentissimo principi domino suo, domino Karolo, Dei gratia illustrissimo Francorum regi et Navarre, sue humiles et devote. Johannes de Monte priorissa totus que conventus monialium monasterii beate Marie de Morgnevalle, ordinis Sancti Benedicti Suessionensis diocesis cum sui recommendatione humili reverentiam et honorem et quicquid melius est salute in eo qui regibus dat salutem. Cum monasterium nostrum sit ad presens abbatisse regimine destitutum per mortem bone memorie domine Ælidis de Ertry quondam ipsius monasterii abbatisse ne quod absit nostrum monasterium diutius sue viduitatis incommodo deploret. Hinc est quod vestre celsitudini regie notum facimus quod nos dilectos nostros dominum Petrum de Tailliofonte1 curatum et Petrum dictum dou Martroy de Freneto clericum, facimus constituimus et ordinamus procuratores nostros veros et legitimos ac nuntios speciales et quemlibet eorum in solidum exhibitorem presentium ita quod non fiat conditio melior occupantis et non occupantis deterior ad comparendum pro nobis nostro et nostri monasterii nomine coram vestra regia majestate nec non ad supplicandum eidem humiliter et devote petendum impetrandum et obtinendum ab eadem vestri gratia licentiam et favorem eligendi in dicto monasterio abbatissam prout jus et ratio suadebunt dantes et concedentes predictis nostris procuratoribus et cui libet eorum per se et in solidum tam communitim quam divisim plenariam potestatem et mandatum speciale premissa omnia et singula faciendi et omnia alia que circa hec et in hiis necessaria fuerint et occurrerint facienda ac viderint opportuna et quod nos faceremus seu facere possemus et deferemus, si presentes essemus, etiam si mandatum aliud exigant speciale ratum et gratum habentes et habiture quicquid per dictos procuratores nostros aut per eorum alterum in premissis et pertinentibus ad eadem actum supplicatum impetratum fuerit dictum seu obtentum exoramus Altissimum toto corde qui vos ad regnum hujus modi eligere dignatus est ut post hujus vite cursum in celesti regno faciat vos regnare. In cujus rei testimonium sigilla nostra quibus ad presens utimur presentibus litteris duximus apponenda. Datum .


1 Taillefontaine.