École des chartes » ELEC » Cartulaires d'Île-de-France » Morienval » Cartulaire » Lettres de deux muis de blé donnés à ceste église que on prent chascun an à Betizi.

Lettres de deux muis de blé donnés à ceste église que on prent chascun an à Betizi.

Ratification donnée par Éléonore, épouse de Pierre de Vic. au sujet de la donation faite à l'église de Morienval de 2 muids de blé à prendre annuellement sur la grange de Béthisy.

  • B Bibl. nat. de France, lat. 9987, fol. 24, n°10.
  • a Cartulaire de l'abbaye de Morienval, éd. Achille Peigné-Delacourt, Senlis, 1876.
D'après a.

Universis presentes litteras inspecturis magister Johannes canonicus et officialis Suessionensis eternam in Domino salutem. Noverint universi quod domina Aanor vidua relicta domini Petri de Viaco1 militis, constituta propter hoc, coram dilecto et fideli nostro clerico Roberto scilicet de Novavilla2 tabellione curie Suessionensis ad audiendum et recipiendum, vice nostra, conventiones contentas inferius in hac carta, specialiter deputato a nobis, recognovit et asseruit coram eo quod dictus Petrus miles quondam maritus suus, olim, dum adhuc viveret, quandam elemosine donationem et concessionem supra duobus modiis bladi duabus ipsius Petri et ejusdem Aanor uxoris sue filiabus, scilicet Mathildi nunc jam facte moniali, ecclesie Morgnevallis et Gilete sorori sue. Ut unaqueque ipsarum sororum unum modium ex dictis duobus modiis, annis singulis in grangia quondam ipsius Petri apud Bestiziacum3, quamdiu vixerit, percipiat, et habeat et post ejusdem Mathildis decessum, modius ille bladi cedat perpetuo in jus et proprietatem dicte Ecclesie Morgnevallis. Alius quoque modius dicte Gilete post ejus decessum, si religionem intraverit, ad locum cujus religionem assumpserit, aut si religionem non intraverit ad heredes suos perpetuo devolvatur ; fecerat (hoc) de ipsius Aanor voluntate et assensu a qua voluntate et assensu Aanor eadem non recedens sed ipsius elemosine factionem innovans voluit et concessit predicte ecclesie Morgnevallis cujus dicta Gileta nunc monialis facta est una cum dicta Mathilde sorore sua sicut asseruit coram dicto tabellione. Abbatissa Ecclesie memorate ut ipsa Ecclesia, post predictarum sororum decessum, dictos duos modios bladi, scilicet bladi sani sieci et meditanei annis singulis infra dictum terminum imperpetuum percipiat et habeat quitte et pacifice titulo elemosine memorate. Salva eisdem sororibus, quamdiu vixerint, ut dictum est, perceptione dictorum duorum modiorum bladi etiam alteri post alterius decessum ac deinde postquam ambe decesserint dicte Ecclesie annuatim imperpetuam faciendam dicta Aanor dictam grangiam cum appendentibus cujus situm exprimendo dicit eam sitam juxta Bestiziacum ad locum ubi dicitur ad Plaisseium Castellani4 tanquam ipsius Aanor hereditatem propriam perpetuo obligavit. Necnon et se ipsam presentem futurosque possessores quoscumque ipsius grangie appendentiumque terrarum et hanc elemosinam scilicet dictos duos modios bladi annui redditus titulo ipsius elemosine voluit dicta Aanor taliter cedi in jus et proprietatem ipsius Ecclesie pro ejusdem Aanor dictique Petri quondam mariti sui anniversario, annis singulis post decessum ipsius Aanor in dicta Ecclesia faciendo, et ipsam elemosinam ut rata perpetuo existat. Eadem Aanor proprie fidei interpositione firmavit coram tabellione predicto. Volens nichilominus quod carta, quam idem Petrus supra dicta elemosina eidem Ecclesie suo sigillatam sigillo dicitur concessisse, robur obtineat perpetue firmitatis. Nos autem, quod super hiis coram dicto tabellione nostro actum est ratum et gratum habentes presentem cartam dicte Ecclesie ad petitionem dicte Aanor tradi fecimus sigillatam, sigillo curie Suessionensis in testimonium premissorum. Acta in presentia horum testium scilicet magistri Johannis dicti Cerarii Suessionensis prioris de Morienval5 clerici et aliorum.

.

Cette charte, no161, devait être datée de 1252, car elle doit être postérieure à l'acte de donation, qui doit prendre date en 1250. Il y aura eu inversion dans ces deux actes par le copiste.


2 Vic-sur-Aisne.
3 La Neuville.
4 Béthisy-Saint-Martin, canton de Crépy (Oise).
5 Le Plessis-Châtelain, écarte de Béthisy-Saint-Martin.
6 Jean le Cicier, de Soissons, prieur de Morienval.