Acte 7
1409.
Le prieur et les chanoines du Saint-Mont s'engagent à associer chaque jeudi dans une messe Guillaume de Bullate de la paroisse de Faucogney, et à célébrer son anniversaire, ayant reçu 50 francs convertis pour moitié en douze gros de cens dus par Jeannette fille de Colei Bonnart de Lépanges à la paroisse de Rupt et Moingat son mari, et pour une autre moitié en un chariot de vin à prendre chez Thietrich de Wittenmühle et Jeanne de Massevaux, son épouse.
- B Copie du début du XVe siècle, Metz, Médiathèque du Pontiffroy, ms. 1156, fol. 39.
Nos priour et convent de Rombech faicons savoir, que nos avons receupz L frans d'or, por cause de Willame de Bullate, de la parroche* de Faucoingney17, de quoi nos avons acquestei XII gros de cens ai Jannete, file Colei Bonnart de Lapainge18 ou parroche de Rus, et ai Moingat, som marit, por le pris de XXV frans d'or, et les altres XXV frans sunt mis et convertis en l'acquast fait d'une charre de vin de cens ai Dietrich Witenmuler19 escuier, et ai Johanne de Maszminister20 sa feme, de quoi nos avons lettres de tout. Pour laquelle chose nos avons receupz et recepvons le dit Willame de Bullete por estre associeiz et participans en une messe que serait dicte et celebree en nostre eccleise de Rombech chascunne sepmainne au juedy, par nos et par nos successors ai tousjours mais en perpetuiltei, ensi comme nous l'avons ordonnee et establie novellement. Et avec ceu nos sumes tenuis de faire et de celebrer solenneement som anniversaire chascun an une fois, ensi comme nos avons acostumeis et usei de faire por nos altres bons amis et bienfactours es jors qui sunt escrips en nos kalendriers.
