fol. 28.
Obiit. Cosme et Damiani martyrum.
Obiit dame Katherine de Baudoncour 539, l'an mil CCCC[...] que donait pour som anniversaire X sols cursables a Spinal de cens, que sunt assignei a panre en l'acquast fait ai Jehan Bazoille d'Espinal de XXXII sols cursables, sur une maisom, et une grange de coste la dicte maisom, que Symonin genre La Noire et Valence sa feme tiennent, seans ou bourg d'Espinal, a l'entrei de la Ruelle Sainct Goheric 540, entre la maisom 541 les dames de l'encloustre d'une part, et la maisom Le Petit Remey d'autre part.
O[biit] Bietrix 542 file Jehan Boinvoisin 543 de Romarimont, et Belime sa feme, l'an mil CCCC[...] que por l'anniversaire de lie, de som pere, et de sa mere devantdis, ait donei VII sols et demei de cens que nos avons acquestei ai Jehan Moingel d'Espinal pelletier qui fuit. C'est assavoir XII deniers de cens sus la maisom Jannete dicte La Grande File Lou Bailloutei, seant ou deffuer bourg de la porte d'Amberal 544, entre la maisom Jehan fil Belouce d'une part, et la maisom Jannete file Meuciron d'aultre part.
Obiit. Michaelis archangeli. Item II sols du dit cens sur la maisom les enfants Lalardei, seant ou grant bourg d'Espinal en la Ruelle au monter du chastel 545, apres la maisom monsire Gerard Grozelle d'une part, et la maison Jannette feme Thiriet Le Waingnor et Colignon som fil d'aultre part. Item II sols et demei sur la maison Lo Maire Walthier do Chaine demorant ai Doingneville 546, que fut Florette file Lambelin de L'Estuve, seant ou dit borg d'Espinal, en la Rue c'om dit au Malpartuix 547, entre la maison Colin Lou Masson 548 fil Colin d'Avrinsart 549 d'une part, et la maisom Thomassin Le Belangier, que fut la feme Gerard de La Place d'aultre part. Item II sols sur la maison Bauldenet Chailei 550, que fut Poiresson Werreil, seant ou grant Rualmengni d'Espinal, entre la maison de la ville d'une part, et la maison Perrin Benoit d'aultre part.
Obiit. Jheronimi presbiteri.
Obiit. Remigii, Germani et Vedasti episcoporum.
