fol. 14.
Obiit. Gengulphi martyris.
Obiit Richart du Four285 de Romarimont et Sibile sa feme, l'an MCCCLXXIII, pour lesquels sires Demoinges286 chanonne de ceans lor fils qui fut, ait donei VI sols toullois de cens annuelz por lor anniversaire. C'est assavoir en la parroche de Ramonchamp287 , ai Moingin fil Gerardin de Lastree288 IIII sols tollois de cens, a paiei a la saint Martin, et sunt assigneis sur le prei c'om dit dou Roval, seant d'amont chiez Matheu de Remanviller289 , entre le prei Bascelin d'une part, et le rus d'autre part. Item sur un champ por trois quartes de soile, seant d'amont du prei Thovenat, entre le champ Olric290 de Bussant291 d'une part, et le champ Moingin Godart d'aultre part. Et por contrecens li dis Moingin ait obligieiz sa partie du prei Thovenat, seant davant le pont Saint Remei, tochant a la pointe du champ devant nommei, ou c'om puet faire dous charrees de foin, et est franche sa dicte partie de toutes cens et droiture. Item en la parroche Saint Esteinne292 , a Jehan genre Vireli de Suc293 II sols tollois de cens, sur le preis de Varois294 , seant desou Suc, partable contre les hors Willame Begel, et les aultres parseniers 295. Item sur la foriere seant ensou le meis Besancon296 /
Obiit. / Labri, et sur la foriere c'om dit Le Chasal , et c'om dit Ou Prei Mercer.
Warnessons des Loies297 , l'an mil CCCCXIII, qui ait donei pour som anniversaire VI sols de cens monoie cursable aus censes d'Espinal, qui sunt assigneis sur la maisom Gerard Nygnol298 d'Espinal, charpentier, seant ou grant Bourg d'Espinal, en la Ruelle Le Xartel, entre la maison momsire Baulduyn Henrion d'une part, et la maisonnete momsire Demoinge Seguin299 d'aultre part. Item es Loies II gros d'argent de cens annuel et perpetuel, qui sunt assigneis a paier chascun an sur telz acquest que li dis Warnessons fils Le Torney des Loies ait fait ai Jehan dit Triffat de Romarimont, et ai Guiate sa feme, c'est assavoir telle partie des heritaiges comme li dis Jehans Triffat puet et doit avoir de part sa mere Amoingairt ou parroche des Loies, especialment des lou Rus de Folz Ruis, que siet sur Noiregunt dessus les Loies par devers Romarimont, jouques ai Gire- /
Obiit. / -court300 ou ban et ou finaige dou dit Girecort se point en il avoit, especialment sa part des champs dou Charbouyr, seans entre les hers Lou Moley des Loies301 d'une part, et les hers De La Rue par d'altre part. Item sa part des preis de la Bourde des Loies, et sur tout le remenant ensuigant.
Obiit.
Monsieur Jean Garat habitans d'Arches302 et Margueritte sa femme ont donné cent cinquante frans au Saint Mont, l'an 1667, a charge de celebrer 'a perpetuité' une messe de saint Nicolas le 9 may et une messe le jour sainte Marguerite pour le salut de leurs ames
