fol. 36 v°
Obiit. Thome apostoli.
Obiit.
Obiit Jaquas fil Jannei dit Galan de Vescou 682 ou parroche de Dommartin 683, l'an mil CCC et quatrevint, qui donait I florin d'or de cens annuel et perpetuel, por l'anniversaire de lui, de som pere, de sa mere, et de ses ancessors, assignei sur tout som heritaige, especialment sur le prei c'om dit dou Voinbrei, seant ou finaige de Vescou, ou grant Varoy, desous le champ Le Curbevet, tornent de pointe ou prei dou Versal. Item une aultre petite fouriere en Forel, seant entre le meis de chies Barbe d'une part, et un aultre prei qui est es hors de Mignerolmont 684 d'autre part. Item sur le champ que siet Oultre Liauve 685, dont li une des pointes torne ai Severei, de coste les hors Chaudeauve 686. Item le champ et le meix dou Pust, qui tornent on confain et en la voie dou Pust.
Obiit.
Obiit sire Pierre Lou Veilz d'Espinal qui ait donner XII deniers de cens assigneis surs la mason Lou Grant Pariz, on grant Rualmenny.
O[biit] Jehan Bourgon d'Espinal qui ait donneir XII deniers de cens, pour lui et ses doubs femmes assignes surs la mason pres de la porte d'Amberal 687 apres la mason qui fuit Poilletrue, laquelle mason doibt encor II sols de cens pour la chappelle dou sepulchre.
O[biit] Moingin Deutamensse pour lui et pour sa femme qui ait donner XII deniers de cens assigneis surs sa mason a la porte d'Amberal 688, et les paie Jehan Malhoste.
O[biit] Demoinge Membour qui ait donneir VI deniers de cens assigneis sur sa mason, et sa grange a la porte de la Fontainne 689.
