École des chartes » ELEC » L'Obituaire du Saint-Mont (1406) » fol. 30. OCTOBER 17-21

fol. 30.

Obiit Colins Felice 577 de Romarimont, momsi Henris preste, et Gilet clerc, enfans du dit Colin, l'an mil CCCC et II, qui ont donei V sols toullois de cens por lour anniversaire, lesquels cinq sols toullois sunt assignei a panre en l'acquast fait a Jehan Bauduyn d'Espinal de vint sols toullois, sur les preis c'om tenoit de lui, seans a Marsomchamp 578 ou parroche de Rui 579, partables par moitie contre les hors du Sainct Esperit de Romarimont.

0[biit] Jehans dis Reboucuil d'Auterive 580, l'an mil CCC sexante et dous, que donait XIIII quartes de soile de cens annuel, por le remeide de som aimme, et des aimmes de ses ancessors, lequel cens est assignei sur tout l'heritaige du dit Jehan Rebousuel, ensi comme il est contenui es lettres que nos avons de la dicte donation.

Obiit. Luce euvangeliste. O[biit] Willame de Bullate 581, parrochiens de Facoignei 582, ou dyocise de Bisencon 583, en l'an de graice nostre Signor corrent mil quatre cens et VIII, qui ait donei et devisei en sa darrienne voluntei par maniere de testament, une certeinne somme d'argent pour acquester censes et rentes, pour tant que ai tousjours maix en fut chargiei et tenui de dire et celebrer chascunne semainne de l'annee une messe, por le remeide de som ame especial, et pour sa bone entention. Assavoir est, que nous, G. 584, priour, et tout le convent de l'acclise de Rombech, a la priere et requeste devote et charitable du dit Willame de Bullate, et de tous ses bons amis et parens, qui por li en ont prier et requester affectuousement, avons receupz et recepvons le devantdit Willame de Bullate avec sa bone entention pour estre incorporelz, associei, et personelement acompaingniei en une messe speciale, que serait et celebree /

Obiit. / en nostre dicte eccleise de Rombech, ensi comme nos l'avons ordenei et establi chascunne semainne de l'an au juedi, ou ai ung aultre jour competant, par nos et par nos, successours, a tousjours maix en perpetuiltei. Et avons encor auxi promis de faire et celebrer une foix en l'an au jour de som obiit som anniversaire solenneement, ensi comme nous avons acostumei et usei de faire por nos aultres bons amis et bienfaictours. Et pour tant que ce soit chose ferme et estable pour durer a tousjors, nous avons assignei et obligieiz XII gros tornois d'argent, de cens annuel et perpetuel, que nos avons acquestei ai Jannete file Coleiz Bonnard de L'Espainge 585, ou parroche de Rus 586, et ai Moingat fil Girardat Le Corvoisier de Corrauveler 587 som marit, de quoi nous avons lettres. Et le sorplus du dit assignalz serait pris sur une charre de vin de cens annuelz et perpetuelz, que nos avons acquestei en Allemainne ai Thietrich de Witenmuleir 588 escuier, et ai Johanne de Maszminister 589 sa feme, de quoi nos avons lettres.

Obiit.

Obiit.


577 L'anné précédente, Felice de Remiremont avait déjà fondé seul son anniversaire, avec une même rente de cinq sous assignée sur le même cens acquis à Epinal et pesant sur des prés de Maxonchamp (OSM 23 janv.).
578 Maxonchamp, Vosges, arr. Epinal, cant. Le Thillot, hameau de l'ancien ban de Lonchamp, auj. cne de Rupt-sur-Moselle.
579 Rupt-sur-Moselle, Vosges, arr. Epinal, cant. Le Thillot.
580 Autrive, Vosges, arr. Epinal, cant. Remiremont, hameau de la cne de Saint-Amé.
581 Voir annexe 1, acte 7.
582 Faucogney, Haute-Saône, arr. Lure, ch.-l. cant.
583 Besançon, Doubs, ch.-l. dép.
584 Guillaume de la Perche, voir note 1.
585 Lépanges, Vosges, arr. Epinal, cant. Le Thillot, hameau de la cne de Rupt-sur-Moselle.
586 Rupt-sur-Moselle, Vosges, arr. Epinal, cant. Le Thillot.
587 Corravillers, Haute-Saône, arr. Lure, cant. Faucogney.
588 Wittenmühle, Haut-Rhin, arr. et cant. Colmar, moulin de la cne de Colmar.
589 Massevaux, Haut-Rhin, arr. Belfort, ch.-l. cant.