fol. 22.
Obiit dame Agnes de Chauvirey 435. Item sa niepce, dame Janne de Chauvirey 436, dame de Beheuge, pour l'anniversaire dezquelles sunt assignez XXIIII sols de cens monoie d'Espinal appanre chascun ans ez L et VII gros de cens que nous avons acheter a Martin Wyrion 437 d'Espinal, assis sus les molins de Pechat et de Waniruel, et sus lours appertenances on territoire de Gollebey 438.
Obiit dame Katherine de Vy 439, moniale de Romarimont, MCCCCXIII, que ait donei pour som anniversaire VIII sols de cens annuel, monoie cursable au censes d'Espinal, qui furent acquestei ai sire Jehan Huat 440 d'Espinal, duquel cens sunt assigneis IIII sols sur la maisom que fut Jehans dit Rehencourt 441, seant ou defuer bourg, devant la porte de la Fonteinne 442 d'Espinal, entre la maisom Moinget de Gevercey443 d'une part, et la maisom que fut Wyriet Pel de Loup d'aultre part. Item IIII sols dou dit cens, qui sunt assigneis sur II heires de meis que furent Le Barbier de Warxoncort 444, seans es meises dou Grant Molin 445 de coste Moselle 446, entre les meises les enfans Girardin Le Malmoingin d'une part, et l'heritaige Richard Le Fevre d'aultre part.
Obiit momsi Martinat de Romarimont, preste et secrast, l'an mil CCC[...], qui donait IIII sols et demei toullois por som anniversaire, que sunt assigneis sur la maisom Roland Joly 447, seant ou bourg de Romarimont, en la grant rue de la Salnerie 448, entre la maisom Bietrix 449, que fut feme Henri de La Coste 450 d'une part, et la maisom Jehan Bidart 451 d'aultre part, et doit om distribuer au priour s'il est present VI deniers, au preste qui chanterait la messe VI deniers, et ai chascun chanonne III deniers, et le remenant au commui du celier de ceans.
O[biit] Perrins dis Le Bels Barbiers, et Marguerite sa feme, l'an mil CCC quatrevint et XVI, qui ont donei pour lor anniversaire III sols toullois de cens, sur lor maisom seant ou bourg de Romarimont, devant la fonteinne emmi la ville, entre la maisom Colin Le Menestrel 452 d'une part, et la maisom Bonchernal d'autre part.
Obiit. Petri ad vincula. Obiit in hoc monasterio anno 1632 devotus frater Sebastinus Perier commissus.
Obiit.
