fol. 34.
Obiit momsire Guillames dis de la Perche de Romarimont, nostre chanonne et prior de ceans, qui en l'an nostre Signor courrent mil CCCCV ait acquestei de som propre patrimoinne deix mesures "et demie" de vin, de cens annuel et perpetuel, pour et ou nom de nostre eccleise, en la ville de Tannes 645, ensi qu'il est contenui es lettres obligatoires des dis acquas fais a plusors persones. C'est assavoir ai Hagnus Ruxe III mesures. Item a Hainzelin Burquelin I mesure. Item ai Hainzelin Ruedegaire pour cause de sa feme II mesures. Item ai Wairelin Burquelin I mesure. Item ai Henric Stephin I mesure. Item ai Routkoph I mesure. Item ai Hagnus Linthar I mesure et demie. Pour laquelle chose, nous li convent entierement a la devotion et requeste du dit signor Guillame nostre priour avons ordenei et constitui por tousjour maix par nos et par nous successors en nostre eccleise de Rombech, de faire et de celebrer solenneement l'office et service en l'honour et reverence de la Saincte Trinitei, au diemenge devant les Advent nostre Signor entrant, ensi comme nos avons aco- /
Obiit. / -stumei de faire aus octaves de la Penthecoste, toutes aultres festes exeptees. Et devons encor et sumes tenui de celebrer et faire a tousjor mais en nostre dicte enclise une fois en l'an l'anniversaire du dit signor Guillame priour, au jour qui charrait, et le metterons en escript en nous kalendriers en celui jor qui serait de faire, pour avoir memoire perpetuelle, et chascuns prestes de nos, deverait dire et celebrer une messe de Requiem le jour de som anniversaire, ou dedens les oct jors devant ou apres. Et nostre priour qui serait por le temp qui recepverait les censes des dictes deix mesures et demie de vin pour la commune proveance de nostre celier, deverait distribuer ai ung chascun preste de nos I gros tornois, de la commune bourse.
Item obiit D. Emilianus Philippe religiosus hujus monasterii 27 novembris 1703, sepultus est in sacello Sanctæ Claræ 646.
Obiit.
Obiit C[...]647.
O[biit] Colins Le Menestreil de Frainoul 648, et Babel sa feme, et Jehans lor fils, l'an mil CCCCXIII, pour lesquels nos sumes tenuis de faire lor anniversaire chascun an, et en avons obligiei et assignei pour ce faire tel acquest que nos avons faict ai Katherine feme Jehan Laillet d'Espinal. C'est assavoir une piece de prei, seant ou Clou de Molin 649 pres de Romarimont, entre le champ Le Maire Balduyn d'une part, et le preis Perrin Chermoset d'altre part, l'une des pointe toichant au champ Richart de Desous Sainct Jehan 650 par devers /
Obiit. Andree apostoli 651. / Molin 652, et l'altre pointe ferant par desous le champ le devantdit Balduyn par devers Muselle 653. Item une altre piece de prei, seant ou dit Clou de Molin, et fiert li une des pointe par devers aval ou prei madame la sonriere de Romarimont, au desous de Hucheire 654, et vait lit dit preis par sur le rus de Molin, et l'altre pointe par devers Molin jusques ai l'heritaige de ceols du dit leu de Molin, entre l'heritaige Hammonin Le Seneschaul par devers Romarimont d'une part, et auxi l'heritaige dou dit Seneschaul, et Jaquoi dou Maisel 655 d'aultre part. Item une petite cornee de prei, seant entre Balduyns d'une part, et au desous dou champ que Quatins de Molin 656 tient de la dicte Katherine, et de Florate sa suer. Et est partables li dessus dit heritaiges contre Colin Le Duc 657 de Romarimont, pour cause de ceols de Brueires 658. Et en tout l'heritaige dessus dit et devisei, li dicte Katherine ait et doit avoir la quarte partie.
