fol. 8.
Obiit. Gregorii pape.
Obiit dame Johanne de Acremont 167, abbesse de Romarimont, l'an mil CCCC et quatre, que por l'anniversaire de lie et de monsi Renalt 168 chevalier ses frere, conjunctement, nos ait donei VI sols et demei tollois de cens, assigneis sur la maisom que Jehans Flaons de Saint Loup169 , clerc, tenoit de nostre eccleise, seant ou bourg de Romarimont, en la grant Rue du marchieiz, entre la maisom Fririat Le Fevre d'une part, et la maisom les enfans Thiebaul Le Fevre d'aultre part. Item ait encor li devandicte dame Jehanne d'Aicremont, abbesse, ordeneiz de celebrer et chanter a note une messe de Requiem, en nostre dicte eccleise, c'est assavoir le primier mardi de chascun mois de l'an, ai tousjours maix en perpetuitei, por elle et por monsi Renald som frere, et por tous lors bons amis, et parens. Et est assignee ceste dicte ordenance sur XXVI sols toullois de cens, que li habitans en la ville de Celles170 doient paier et rendre chascun an ai nos, por cause de certains heritaiges qu'il ont pris et retenui de nos, et de nostre dicte eccleise, lesques heritaiges, li dessus dicte dame Jehanne avoit acquesteis por faire sa voluntei es hors de La /
Obiit. / Chaudelee, et de Matile, c'est assavoir ai Milat et ai Philippin freres, enfans Philippin de Laweline171 qui fut, et un prei c'om appelle le Nuefprei, seans ou finaige de Celles, ensi qu'il est contenui es lettres des acques, et de la donation qu'elle nos ait fait. Et doit om distribuer au preste qui chanterait la dicte messe, VI deniers toullois, et es aultres chanonnes presens qui aideront à chanter, ai un chascun d'eauls II deniers toullois.
[Obiit ]Jannatte feme Collez de Rui172, et Jannatte sa fille, pour l'anniversaire dezquelles [...].
Obiit.
Obiit.
