fol. 23.
Obiit Bernart dis Landoille d'Espinal, et ses dous femes, Jehainne et [...], l'an mil CCCCIIII, qui donait por lor anniversaire X sols cursables a Spinal de cens annuel, et sunt assigneis sur la maisom Thomas de Wymmenil 457 fil Colin Vexol qui fut, seant ou ban de Gugniecourt 458, ou territoire de Wymmenil, darrier le mostier 459, entre le chamin d'une part, et le chasal les hors Bauldelat de Wimmenil d'aultre part. Item sur le prei c'om dit Les Falcies 460, seant ou finaige de Wymmenil, entre lou Ruxel du prei des Chaines 461 d'une part, et La Moixe 462 d'autre part. Item sur Lou Jardenei 463 seant ou finaige de Wimmenil464, entre le Nuef Prei 465 d'une part, et le Rus de Wimmanil que vait ai Gugniecourt 466 d'autre part. Item sur II jornals de terre, seans l'un apres l'autre ou finaige de Wimmenil, ou leu c'om dit en Waintet 467, entre les hers Jolis, et le boix par devers desoure d'une part, et l'heritaige Baulduyn fil La Souppe, que fut Martin de Wymmanir 468 par devers desous d'autre part. Et sur tot le suigant heritaige du dit Thomas, et de Marguerite sa feme.
Obiit Jehans Landoille, fils dou dit Bernard, et Bietrix sa feme 469, l'an MCCCCXIII, qui ont donei III sols de cens monoie cursable es censes d'Espinal. C'est asavoir III sols dou dit cens assigneis sur tous les heritaiges que Thieris Salemon, et Jehans Salemon de Sercuer 470 som serorge 471, et lours hers tiennent et possident en la ville et ou finaige de Sercuer, de part Matheu Le Girard, et de part Bernard Le Girard freres, qui furent. Item Marguerite feme Jehans Foez de Luxeu 472 qui nous ait donner pour son anniversaire VII solz et III deniers de cens monoie d'Espinal, assis III sols et III deniers sus la mason Girard de Chastel 473 que fuit Clemens Le Fevre seant a Espinal sus le rui de la fontenne Saint Goery 474 entre la grenge Le Woelz d'une [part], et la mason que fuit sire Bertrand Chalvin 475 d'altre part. Item III sols sus la mason que fuit Jannatte fille Le Bailoutei 476 seant om defuer bourg de la porte d'Amberal 477 entre la mason Jehan fil Belouce 478 d'une part, et la mason Jannatte fille Meuciron d'aultre part. Et doit encor d'ancien cen XII deniers. Item XII deniers de cens assis sus la mason Jehan Roier /
Obiit. Laurentii martyris. / seant on grant Rualmenny d'Espinal entre la mason que fuit Poiresson Werrez d'une part, et la mason qu'est au present a la feme Phelepin de Chalmozey 479 d'altre part.
4 idus anno 1632 Samielli R. in Christo pater D. Claudius Franciscus de congregatione 'benemeritus multis' in reformatione propaganda laboribus exantlatis cum vera verae sanctitatis fama quiescit et ibidem sepelitur.
Obiit monsi Warry de Hairouel 480 chevalier l'an mil CCCC et XXXII, qui ait donnei XXVI sols de cens, monoie de censes d'Espinal pour chascun an faire l'anniversaire de lui, de dame Marguerite de Toullon 481 sa femme, de lour peires et meires et enfans, et de tous ceulz pour cui il voulroit faire prier. Lesquelz XXVI solz sunt assignes es leus ci apres escrips. Primier XVI sols dou dit cens sus le prei Menequin ou ban de Waldenville 482 entre les aibres Cunim d'une part, et la feme Girard Dou Peut d'aultre part. Item sus une faulcie de prei en Bellevinot les aibres le dis Cunim d'une part, et le desme de Longchampt 483 d'autre part. Item sus VI endains en Bellevinot, lez aibres le dit Cunin d'une part, et d'altre [part]. Item sus une falcie en Colinchaine que varadie chascun an, contre les aians cause de sir Bertran Chalvin 484 d'Espinal preste qui fut. Et tiennent de present lez dis assignal et paient lez dis XVI sols de cens les hoirs Jehan Thiery de Waldeville, et Estiene son frere. Item X sols dou dit cens que sont assignez sus la moitie dou prei que on dit le prei Gabriel ou finage de Deiviller 485 ou leu c'om dit en Orval entre le prei de la Goule d'une part et les champs de Labrinont d'autre part, et les tient de present Moingin Brunne du dit Deiviller. Et l'autre moitie do dit prei est por la messe dou /
Obiit. / mardi dite ou Saint Mont pour Bietrix femme Landol 486 qui fuit avec plusours aultrez censes.
Depositio domini Warini de Haroüel 487 equitis qui defuncta sua conjuge domina Margareta de Toullon 488 et multa huic monasterio beneficia collata inter quæ sunt sex rezalia frumenti super redditus molendini de Haroüel 489 et tria vasa reliquiarum partim argentea sæculorum reliquit pompam et in hoc monasterio vitam religiosam perseveranter professus beato fine quievit.
