fol. 26 v°
Obiit Thiebal d'Espinal 520 parmentiers, et Margarite sa feme, l'an MCCCC et VII, qui nos ont donei por lor anniversaire VIII sols monoie cursables es censes d'Espinal. Et sunt assigneis sur la maisom Chamengne, seant ou grant bourg d'Espinal, ai l'entree de la Ruelle Saint Goeric 521 devers le claustre, entre la maisom La Garnalde d'une part, et le chamin d'aultre part. O[biit] Item Benoy d'Espinal, qui nos ait donei por som anniversaire VIII sols monoie cursable es censes d'Espinal, qui sunt assignei a panre sur la maisom Jehan Labourei 522 et Odile sa feme, seant ou grant Rualmesni d'Espinal, entre la maisom Jehan Dallamesni 523 d'une part, et la maisom Le Jal de Maiselei 524 d'autre part. Item pour augmentation de l'anniversaire des devantdis Thiebal d'Espinal et Marguerite sa feme, il ont encor donei II sols de cens assigneis, avec II altres sols de cens venduis por l'amolne de Wiriat Le Parmentier 525, et Alix sa feme, sur la maisom Chamengne devantdicte, avec les VIII sols de cens que nos il aviens jai devant, et ensic pour tout il avons XII sols de cens sur la dessu dicte masom Chamengne.
Obiit. Amati confessoris. O[biit] Jannatte et Willame Bechant do Luxeu 526 conjuges.
Obiit. Exaltatio sancte crucis.
Obiit. Octava sancte Marie Virginis. Apri episcopi. Mémoire de faire et celebrer ung service solennei des trespasseis es quartemps de septembre, pour nos Signors Dus de Loherainne, ensi comme es aultres quartemps de Quaresme et de Penthecoste est escript.
Celebratur missa conventualis pro serenissimis principibus Lotharingiæ ducibus benefactoribus nostris, cum vigiliis.
Obiit Colins La Hie de Dommartin 527, et Marguerite file Molpies 528 d'Espinal, MCCCC, qui ont donei VI sols toullois de cens pour lor anniversaire. C'est assavoir quatres sols toullois a panre en l'acquast fait ai Jehan Baulduyn d'Espinal de vint sols toullois, que sunt assigneis sur la moitie des preis partables contre les hers du Sainct Esperit de Romarimont, seans ai Marsomchamp 529, ou parroche de Rus 530. Item dous sols toullois assigneis sur la maisom Rogeul et Jannete sa feme, seant ou bourg de Romarimont, en la Rue de la Curtine 531, entre la maisom Jehan Savegat qui fut d'une part, et la maisom Gerard de La Franoze 532 d'autre part.
