fol. 11.
Obiit.
Obiit.
Obiit Ysabel d'Espinal, que fut feme Hullon de Rambeviller223 , l'an MCCC quatrevint VII, que donait por som anniversaire XXII sols cursables de cens, en la parroche de Rus224 , ou finaige de Lapainge225 , que Henris Tullandin226 demorant ai Romarimont doit paiei. Et doit om distribuer le jour du dit anniversaire ai chascun chanonne present XII deniers de la dicte monoie, et au secrestain de nostre eccleise III sols por cause de la lumiere, et tout le remenant soit convertis ou commui du celier. Lequel cens est assigneis sur le prei dou Bouxenat227 , seant au dessus de Lapainge, c'est les dous pars contre Bertrand de la Crux228 , et en la foriere de Laiocoste229 , et la foriere dou Fougeri230 , d'amont lo rus, et ou champ c'om dit ou Quarei231 , seant d'aval chies Morel des Champ232, et en un aultre champ, seant sur lo voy de La Rochate233 , et sur tot le suigant. Et por contrecens sur le tier du prei dou Rolliei234 , seant dessus Lapainge235 , por faire une charree de foin, et sur le champ des dous eaues236, seant devers aval Les Grant Tresses237 . Item ait encor donei li dicte Ysabel IX sols toullois ai Jehan Vireli238 de Suc239 , por le commui de nostre ecclise, por tant que elle, et ses dis marit, et /
Obiit. / ses ancessors soient participans en tous les bienfais de nostre dicte eccleise.
Le 14 avril 1676, noble dame Nicole de Stainville de Verzey240 a donné huit cent frans barois pour la fondation d'une messe basse de Nostre Dame tous les sabmedis a perpetuité et une collecte pro defuncta à la fin, laditte somme a esté emploiee au rachapt ou retraite de la grange de Grimouton241 cy devant alienee.
Item laditte dame de Stainville de Verzey, dame de Remiremont, a encor fondé a perpetuité une messe basse de Nostre Dame a chacun jour des sept festes de laditte sainte Vierge.
Item en l'année 1683, ladite dame de Verzay a donné quattre cent frans barrois, pour treize messes basses annuelles et perpetuelles /
Obiit. /scavoir une chacque mois, a l'autel privilegie pour tous les fidels trespassez en general, et la treiziesme se dira le jour de l'octave de l'Assomption de Nostre Dame, en l'honneur de la mesme sacrée Vierge pendant la vie de ladictes dame de Verzay seulement, et apres sa mort, ladite messe se celebrera pour le repos de l'ame de ladite dame a tel jour que son deceds aura esté arrivé, ladite somme de quattre cent frans a esté laissée en constitution a Laurent Odinot et Jeanne Perrin sa femme habitans de Franoult242 , a raison de vingt frans annuels.
Item ladites dame de Verzey a donné encore deux cent quarante frans pour augmentation de la fondation d'une messe chasque samedy de l'année, par elle faite le 14e apvril 1676, laquelle somme a esté employée a une partie du payement de la grange de Roseprey243 .
