fol. 1. v°
Obiit. Epyphania Domini. Nos, Jaques 10, priour, et tout li convent de l'acclise de Rombech, faicons savoir a tous, que nos sumes tenui et obligiei a tousjours en perpetuiltei, de dire et celebrer dous messes de Requiem, chascunne sepmainne de l'an, en nostre dicte eccleise, pour l'aimme de monsi Pierre Wilvo de Luxeu 11, preste et approvendei en nostre dicte enclise, et pour les aimmes de ses ancessors et amis, et de tos ces qu'il ait en memoire, et qu'il est tenui de prier, donc li une des dictes II messes serait associe par une collecte dicte avec la messe de Requiem que nos avons acostumei de dire et celebrer tous les lundi por les anniversaires, et pour la communitei de nostre dicte eccleise, et li aultre messe serait dicte le mardi, ou un aultre jor suffizant dedens la sepmainne. Et pour ceste presente ordenance tenir ferme et estable a tousjours, avons assignei les censes ci desous escrips que sunt acquesteis des biens du dit signour Pierre Wilvo, pour estre pris et leveis chascun an12 par nostre secrestain , ou par un aultre esleis et establis par nos, por le distribuer 13 singulerement entre nos prestes et chanonnes que dirons /
Obiit. / les dictes II messes. Et ceu avons nos promis et jurer sur sainctes evangiles, et souz le vot de nostre religion, tenir et guarder fermement sen fraude et sen baret 14, et sen jamaix aler au contraire par nulle voie de deception quelle que soit par nos, ne par nos successours. Ce fut fait et concedeis par nos priour et convent dessus dis, l'an MCCCLX et XVIII, le mecredi apres l'Annunciation de la benoicte Vierge Marie 15. Ce sunt les censes et acquest fait pour cause des dictes messes. Primierement ai Romarimont XII sols toullois16 de cens, que sunt assigneis sur la maisom que fut Perrin dit Tranchepousseire 17, messeclier, seant ou bourg de Romarimont, en la grant Rue de la Salnerie 18, entre la maisom les hors Rolant Le Salnier d'une part, et la maisom Marguerite, dicte La Done 19 d'aultre part, laquelle maisom Jannerat Le Royers ait pris et retenui de nos. Item ai Romarimont VI sols et demei toulloix de cens, sur la maisom que Jehan dit Flaon 20 parmentier tenoit de nos, seant en la rue du bourg, entre la masom Fririat Le Fevre 21 d'une part, et la maisom les enfans Thiebal Le Fevre 22 d'aultre part. Item ai Hennecour 23 I florin /
Obiit. / de cens, a paier le jor de la saint Martin en yver 24, que sunt assigneis sur la maisom et chasal Poirat dit Le Maire Guarsom de Hennecour 25, seant entre la maisom Jehan dit Mallar d'une part, et la Ruelle du Clo de long en long d'aultre part. Item sur le prei du Clo, contenent une cherre de foin, seant entre le prei de l'ospital de Romarimont d'une part, et le champ Aubriat d'aultre part. Item sur demei le champ que om dit le champ Chaville, contenent en summaille I resal de frument, seant entre le champ Le Maire Guarson d'une part, et les champs Le Gros Mougat d'aultre part. Item sur le champ du Pumey contenent II jours de terre, seant entre le champ Meline feme Moingin Aichin d'une part, et les champs les hors Le Leurat de Hennecour d'aultre part. Item sur le Hault Champ, contenent II jors de terre, seant ou ban et ou finaige de Bouquigneix 26, entre le champ Droin fil Jobridant qui fut d'une part, et Jehan Droel de Bouquegneix d'aultre part. Lesquels heritaiges sunt frans et quittes de toutes debites 27, exepteis IIII sols toulloix, I chapon 28, et une quarte d'avoinne 29.
Obiit. Le 7 janvier une messe basse 30 a perpetuité fondée par Gaspard Le Comte et Magdelene sa femme de Viechard avec le Requiem a la fin pour eux, leurs enfans, parents et amis.
Obiit.
