fol. 27 v°
Obiit. Mauricii sociorumque ejus martyrum.
Obiit momsi Esternes Vencenei de Romarimont, chanonne de ceans, l'an mil CCC et trante quatre, qui fit faire les voltes nueves de nostre eccleise de som propre, et donait sur ses acques VI deniers tornois de cens chascun lundi de l'an, por estre distribueis en nostre cimitiere ai chascun chanonne preste qui serunt presens, en disans les sept psalmes, et portans l'eaue benoicte, ensi comme il est usei d'anciennetei, par la main du secrestain, ou d'un aultre qui serait esleis par l'eccleise pour recepvoir, et por distribuer fiablement la dicte rente du cimitiere, et doit avoir les dis seix deniers por sa poinne es sepmainnes de Noel, de Pasque, et de la Penthecoste, quar adonc om ne vait mie ou cimitiere, et doit avoir auxi les chapons que sunt contenus es lettres des acquas.
O[biit] Momsi Demoinges dis La Perchate 535 de Romarimont, chanonne de ceans, l'an mil CCCC et seix, qui donait por som anniversaire VI sols toullois de cens assignei sur la maisom Le Maire Aubertin /
Obiit. / qui fut, seant ou bourg de Romarimont, en la rue de la Salnerie 536, entre la maisom Bietrix file Boinvoisin d'une part, et la maisom Willemei Le Salnier d'autre part, laquelle maisom Jehans de Beinville 537 massons ait pris et retenui pour XII sols toullois de cens annuel qui doit paiei et rendre chascun "an", c'est assavoir ai nostre eccleise de Rombech VI sols toullois, et ai l'acclise d'Yreval 538 les aultres VI sols toullois.
Obiit.
Obiit.
