Confirmation, par Maurice de Sully, évêque de Paris, de l'accord conclu entre les chanoines de Saint-Merry et Thibaut et Milon, fils de Thibaut Maréchal, au sujet d'une terre sise entre la maison de Robert de Paris et celle de Gui Le Vitrier.
- B Bibliothèque vaticane, Reg. lat. 907, fol. 38, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De Theobaldo et Milone, militibus et fratribus, filiis Theobaldi Mareschalli, quomodo quitaverunt nobis terram nostram, que est a domo Roberti de Paris usque ad domum Guidonis Vitrearii continue sita. — Ego Mauricius, Dei gratia Parisiensis episcopus, notum fieri volumus, universis tam presentibus quam futuris, quod, cum inter canonicos Sancti Mederici et Theobaldum et Milonem, militem, fratrem ejus, filios Theobaldi, diu controversia fuisset ventilata super quadam terra, a domo Roberti de Paris usque ad domum Guidonis Vitrearii continue sita, cujus obventiones predicti fratres T[heobaldus] et M[ilo] injuste et violenter predictis canonicis diu abstulerant, cum ille ad ipsos canonicos, tanquam ad dominos fundi pertinerent, tandem inter illos talis compositio4 facta est, quod predicti fratres, in presentia nostra, omnes illius terre obventiones, scilicet viaturam, venditiones et omnes alias consuetudines ad dominum fundi pertinentes, fide prestita in manu nostra, resignaverunt in perpetuum, retentis tantum novem solidis desuper excrescentis census, quos dicti fratres in terra illa habebunt. In crastino autem post compositionem istam, investiture illius signum super altare Sancti Mederici posuerunt. Canonici vero predicti omnes obventiones terre predicte prenominato Miloni1 concesserunt, quamdiu viveret, canonice possidendas, salvo ipsorum censu xii denariorum, qui de illa terra annuatim illi reddebatur. Theobaldo vero militi concesserunt, tam suum quam sui patris anniversarium in ecclesia Sancti Mederici celebrandum. Actum publice, Parisius, in aula nova, astantibus testibus Herveo, Parisiensi decano2, Petro capellano, Reginaldo, clerico nostro, Henrico, Parisiensi canonico, fratre Daniele3, Nicholao et aliis, Antelmo deTrembleio, Johanne de Chenevieres, chevaliers de Trembloi4, Radulfo Strabone, Radulfo de Marli, Renoldo de Monte Martyrum, Roberto Bocelli, Adam Bocelli, Garinus Bocelli, Gautero de Alauda, Gautero de Salicibus, Bernardo de Sancto Victore, Petro Flandrine, Gilduino Frogerii, Ivone Britone, Guiberto Rege. Quod ut ratum et inconcussum permaneat, scripto commendari et sigillo nostro dignitatis duximus confirmari. Actum .
