Sentence arbitrale prononcée par Jean, archidiacre, Grégoire, chanoine de Paris, et Landry, prêtre de Vitry, pour mettre fin au différend qui s'était élevé entre les chanoines de Saint-Merry et Pierre, clerc de Saint-Martin, au sujet de distributions qui devaient être faites dans l'église de Saint-Merry, le jour du service anniversaire de l'archidiacre Étienne.
- B Bibliothèque vaticane, Reg. lat. 907, fol. 50v°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De compositione facta inter canonicos Sancti Mederici et Petrum, clericum de Sancto Martino, super sexaginta etxii solidis incrementi census. — Omnibus presentes litteras inspecturis Johannes, archidiaconus, Gregorius, canonicus Parisiensis, et magister Landricus, presbyter de Vitriaco, salutem in Domino. Noveritis quod cum esset orta controversia inter canonicos Sancti Mederici Parisiensis, ex una parte, et Petrum, clericum de Sancto Martino, ex altera, super sexaginta etxii solidis de Parisius incrementi census, sitis in fundo terre dictorum canonicorum, quos dictus Petrus petebat ad vitam, ex legato Stephani, felicis recordationis, quondam archidiaconi Parisiensis ; ex altera vero parte, dicti canonici dicebant prefatum archidiaconum voluisse et ordinasse quod de prefato incremento census fieret distributio in ecclesia Sancti Mederici, die anniversarii sui, hiis qui essent presentes ; tandem ipse dicte partes, de bonorum virorum consilio, in nos executores dicti quondam archidiaconi compromiserunt, bona fide promittentes se fideliter observaturos quicquid a nobis, compositione vel judicio, [de] supradicta controversia fuerit ordinatum. Petrus vero, clericus, renuntians omnibus litteris, quas jam super eadem controversia impetraverat, vel dicebat se impetrasse, de tenendo arbitrio et de non contraveniendo, in manu nostra fidem prestitit corporalem, et canonici supradicti de rato litteras sui capituli nobis prestiterunt. Nos autem executores dicti archidiaconi testamenti, tamquam hii, quibus dederat potestatem in extrema sui voluntate corrigendi, mutandi, addendi et diminuendi, secundum quod viderimus expedire, posita etiam affectione quam erga dictam ecclesiam predictus archidiaconus habebat, et considerata utilitate utriusque partis, ut servientium in eadem ecclesia relevetur necessitas et via pateat servientibus pia devotione, concessimus predictum incrementum census prefatis canonicis perpetuo possidendum, communiter et equaliter distribuendum ad matutinas ; ita tamen quod, die anniversarii archidiaconi memorati, de supradicta pecunia distribuentur quatuordecim solidi hiis qui intererunt servitio. Dicti autem canonici Petro memorato, per arbitrium nostrum, pro quitatione dicti incrementi census ab ipso Petro facta, de voluntate et assensu ipsius Petri, solverunt eidem Petro xxv libras. Et quia prefati canonici dicebant inde se esse gravatos, eisdem canonicis dedimus centum solidos parisiensium de elemosina ipsius domini archidiaconi memorati. In cujus rei testimonium, ad petitionem partium, presentes litteras sigillis nostris duximus roborandas. Actum .
