Universis presentes litteras inspecturis officialis curie Parisiensis salutem in Domino. Notum facimus quod Johannes de Mellento, civis Parisiensis, coram nobis recognovit se partim vendidisse et partim in escambium dedisse et concessisse nobili mulieri Agathe, relicte defuncti Johannis, dicti de Porta quondam baillivi Rothomagensis, et ejusdem Agathe heredibus, in perpetuum, pro sexcies viginti libris parisiensium, jamdicto Johanni solitis, ut confessus est coram nobis, renuncians exceptioni non numerate pecunie, non tradite, non solute, pro quadam domo sita Parisius, in vico Auberici Carnificis1, in censiva Sancti Maglorii Parisiensis, onerata de decem solidis et octo donariis censualibus tantummodo, ut dicebat, contigua domui Roberti de Silvanectis ex una parte, et domui Johannis de Silvanectis2 ex altera, in dicebat, domum quandam sitam Parisius, in vico Monete3, in censiva Sancti Mederici Prarisiensis, oneratam de sex libris parisiensium augmentati census, debitis Philippo, dicto Barbete, ut dicebat, de quibus siquidem sex libris censualibus dictus Philippus debet capitulo Sancti Mederici predicti decem et octo denarios, ut dicebat, promittens, fide in manu nostra corporaliter prestita, quod dictam domum sitam in vico Monete, ad sex libras censuales predictas, garentizabit et liberabit dicte Agathe et ejus heredibus, ac illis qui causam habituri sunt ab eadem, ad usus et consuetudines Francie, contra omnes, et quod contra premissa per se vel per alium non veniet, jure hereditario et actione conquestus, seu alio quoquo modo. Que siquidem Agatha coram viro discreto decano de Braia, a nobis ad hoc specialiter deputato, recognovit se in escambium dedisse et concessisse dicto Johanni de Mellento et ejus heredibus, ac illis qui causam habituri sunt ab eodem, imperpetuum, prenotatam domum de vico Auberici Carnificis, sub decem solidis et octo denariis censualibus predictis, una cum summa sexcies viginti predicta, ut dicebat, pro predicta domo de vico Monete, sita inter Plastreriam1 et ruellam Sine Capite2, onerata de sex libris augmentati census predictis, ut dicebat ; promittens, fide in manu dicti decani corporaliter prestita, spontanea non coacta, quod predictam domum de vico Auberici Carnificis, ad decem solidos et octo denarios censuales predictos, garentizabit et liberabit dicto Johanni de Mellento et ejus heredibus, ac illis qui ab ipso causam habebunt, in perpetuum, ad usus et consuetudines Francie, contra omnes, et quod contra predicta per se vel per alium non veniet jure hereditario, ratione doarii vel conquestus, seu alio quoquo modo, prout idem decanus, cui plenam fidem adhibemus in hac parte, nobis retulit hec omnia et singula viva voce. Petrus vero, canonicus Cathalaunensis, Johannes et Adam, filii dicti Johannis de Mellento, Rogerus de Navibus, gener, et Petronilla, uxor sua, filia ejusdem Johannis de Mellento, senioris, coram nobis voluerunt expresse, laudaverunt et concesserunt expresse (sic) omnia et singula suprascripta, promittentes, fide in manu nostra prestita, spontanea non coacta, quod contra premissa seu aliquid de premissis, per se vel per alium, non venient jure hereditario, ratione doarii seu conquestus, aut alio quoquo modo jure. Promiserunt insuper, sub prestita fide, dicti Johannes de Mellento, Petrus, Johannes et Adam, filii sui, procurare et efficere, quilibet in solidum, erga Johannam, sororem eorumdem fratrum minorem, ut dicebant, quod, ad petitionem dicte Agathe vel heredum suorum, laudabit et acceptabit ipsa Johanna, cum fuerit maritata, interveniente auctoritate mariti sui, vel cum ad etatem adultam venerit, omnia et singula suprascripta, et promittet fide interposita, quod contra non veniet jure hereditario, ratione doarii, seu alio quoquo jure, alioquin si in hoc defecerint, ipsi quilibet in solidum restaurabunt predicte Agathe, vel heredibus suis, omnia et singula dampna deperdita. Datum, die Jovis post festum beatorum Jacobi et Christofori anno Domini Mº CCº quinquagesimo primo. Huic venditioni interfuit Radulphus de Paciaco, et alii supradicti, Guillelmus Rotondi, clericus. Et est sciendum quod de decem libris, que debebuntur pro ventis, canonici Sancti Mederici remiserunt, ad preces Petri Anetis, civis Parisiensis, xx solidos ; et ipse Petrus alias ix libras reddidit domino Petro de Latigniaco, tunc camerario.