Confirmation par l'archidiacre de Paris de l'abandon fait par « Adda, »fille de Pierre de L'Hay, des prétentions qu'elle avait sur une terre que les chanoines de Saint-Merry avaient achetée de Guérin de Villejuif.
- B Bibliothèque vaticane, Reg. lat. 907, fol. 1-62, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
Heedem littere que sunt in illis que incipiunt : Ego Johannes... sed in alio sigillo sigillatas. — Parisiensis ecclesie archidiaconus omnibus ad quos presens pagina pervenerit salutem in Domino. Noverit universitas vestra quod cum Garinus de Villa Judea, canonicis Sancti Mederici, quandam terram, que est apud Laiacum, vendidisset, Adda, filia Petri de Laiaco, sepe et multum reclamavit et ejusdem terre venditionem voluit irritare. Unde, ad petitionem et instanciam bonorum virorum, prefata Adda supradicte terre venditionem ratam habuit et confirmavit in capitulo Parisiensi. Testes : Johannes, Noviomensis thesaurarius, Petrus de Campello, canonicus Parisiensis, Rosardus, canonicus, magister Arnulfus, magister Osmondus, magister Albertus, Paganus, dyaconus, Rogerus, dyaconus, magister Symon et plures alii. Quod ut ratum et stabile perseveret sigilli nostri appositione fecimus roborari.
