Composition faite entre l'abbé d'Hermières et les chanoines de Saint-Merry, au sujet d'une rente perçue sur des maisons de la rue Baillehoue.
- B Bibliothèque vaticane, Reg. lat. 907, fol. 50, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
Littere abbatis de Hermeriis de elemosina Johannis Paalee. — Universis Christi fidelibus ad quos presentes litteræ3 pervenerint Thomas, dictus abbas Hermeriarum4, totusque ejusdem loci conventus, eternam in Domino salutem. Notum facimus quod cum, ex elemosina defuncti Johannis Paalee, quondam servientis domini regis Francie, et Guillelmi Esaiacos, fratris sui, quinquaginta solidos parisiensium superexcrescentis census haberemus, in fundo terre et in censiva canonicorum Sancti Mederici Parisiensis sitos, super quasdam domos Parisius, in vico qui vulgariter appellatur Bullehoe1, et predicti canonici nos compellerent ad vendendum censum prenominatum, minime sustinentes quod idem census ad manum mortuam devenisset, tandem, bonis viris intromittentibus se de pace super hoc inter nos et eosdem canonicos, pacem gratam et perpetuam super hoc inter nos fecimus in hunc modum : quod nos, de communi assensu nostri conventus, pro sufferentia hujus rei, et pro eo quod de cetero prefati canonici minime nos compellerent ad prefatum censum distrahendum, gratanter et liberaliter eisdem canonicis Sancti Mederici quartam partem, videlicet duodecim solidos et dimidium parisiensium, concessimus de eodem superexcrescente censu, singulis annis, in octabis Sancti Dyonisii, dictis canonicis Sancti Mederici a nobis persolvendos, salvo tamen et retento eisdem canonicis Sancti Mederici censu capitali viginti et unius denariorum parisiensium, quem nos tenemur reddere canonicis memoratis Sancti Mederici, in dictis octabis, singulis annis, sicuti prius, a dicto Johanne, dictos xx et unum denarios percipere ipsi canonici Sancti Mederici consueverant ab antiquo, retenta in domibus antedictis canonicis Sancti Mederici tota justicia, teloneo et omnibus aliis proventibus quibuscunque, qui ex fundo terre solent dominis provenire. Sciendum enim est quod si hospites, qui in domibus memoratis erunt, moram fecerunt in antedicto censu reddendo, nos ipsi neque fenestras domorum illarum propter hoc capere poterimus ullo modo, neque aliquam habere cohercionem, sed per dictos canonicos Sancti Mederici, aut per ecclesiasticum judicem, censum habere poterimus supradictum. In cujus rei memoriam et testimonium, ad petitionem supradictorum, presentes litteras sigillo nostri conventus canonicis supradictis tradidimus communitas. Actum .
