Sentence arbitrale par laquelle la possession d'un four situé dans le terroir de Saint-Merry est confirmée à l'abbaye de Livry, moyennant le payement d'une rente annuelle de 5 sous aux chanoines de Saint-Merry.
- B Bibliothèque vaticane, Reg. lat. 907, fol. 52v°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
I. Quod abbas et conventus de Livriaco ratam habent compromissionem factam in abbate S. Victoris et in aliis nominatis. — Abbas, totusque conventus de Livriaco1 omnibus presentes litteras inspecturis salutem. Noverit universitas vestra quod compromissionem quam fecerunt canonici Sancti Mederici Parisiensis, ex una parte, et abbas et conventus de Livriaco, ex altera, sub penax librarum, in venerabiles viros J[ohannem], abbatem Sancti Victoris, H[ugonem], decanum, A[dam], archidiaconum Parisiensem, super causa que vertitur inter eos super quodam furno, nos ratam et gratam habemus.
II. Quod H[ugo], decanus, et alii intus nominati ratam habent et gratam compromissionem inde factam. — Decanus totumque capitulum ecclesie Parisiensis omnibus presentes litteras inspecturis in Domino salutem. Noverit universitas vestra quod compromissionem quam fecerunt canonici Sancti Mederici Parisiensis, ex una parte, et abbas et conventus de Livriaco, ex altera, sub penax librarum, in venerabiles viros J[ohannem], abbatem Sancti Victoris Parisiensis, H[ugonem], decanum, A[dam], archidiaconum Parisiensem, super causa que vertitur inter eos super quodam furno, nos gratam et ratam habemus.
III. Quo modo pronunciatum est dictum arbitrium quod canonici Sancti Mederici debent habere, singulis annis, pro furno quinque solidos parisiensium de capitali censu, et dictum furnum permitterent dicto abbati et conventui in pace possidere. — Johannes, abbas Sancti Victoris, H[ugo], decanus, A[dam], archidiaconus Parisiensis, omnibus presentem paginam inspecturis salutem in Domino. Vestra noverit universitas quod, cum verteretur contentio inter viros venerabiles, abbatem et conventum de Livriaco, ex una parte, et canonicos Sancti Mederici Parisiensis, ex altera, super quodam furno in territorio eorumdem canonicorum Parisius sito, et prefati canonici vellent compellere predictos abbatem et conventum ad vendendum furnum illum, tandem dicte partes ex communi assensu prestando dicto nostro, sub penax librorum, hinc inde in nos tres compromiserunt. Nos vero pronunciando diximus quod predicti canonici Sancti Mederici Parisiensis de cetero non compellerent memoratos abbatem et conventum de Livriaco ad vendendum prenominatum furnum . Preterea pronunciavimus quod predicti abbas et conventus redderent, pro prefato furno, singulis annis,v solidos de censu capitali predictis canonicis Sancti Mederici, , retenta tamen justicia fundi in eodem furno ipsis canonicis memoratis ; et ita tamen quod in istisv solidis comprehendunturxviii denarii, quos supradicti canonici in eodem furno antea diu habuerant. In cujus rei memoriam presentem paginam sigillis nostris fecimus roborari. Actum ab .
