Confirmation par Doulce, sœur d'Évrard le Crieur, et par son fils Guibert, de la vente de 62 sous de rente que le susdit Évrard avait faite à l'église de Saint-Merry, du consentement de sa femme et de ses enfants.
- B Bibliothèque vaticane, Reg. lat. 907, fol. 1-62, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De emptione sexaginta duorum solidorum augmentati census pro xxx ª duabus libris parisiensium. — Omnibus presentes litteras inspecturis officialis curie Parisiensis in Domino salutem. Notum facimus universis quod constituti coram nobis Dulcia, mulier vidua, soror Evrardi Clamatoris, et Guibertus, filius ejusdem Dulcie, cives Parisienses, quamdam venditionem census sexaginta duorum solidorum, quam dictus Evrardus et Agnes, ejus uxor, de consensu Henrici et Thiefene, filiorum eorumdem, fecerunt ecclesie Sancti Mederici Parisiensis, pro xxx et duabus libris parisiensium, eidem ecclesie in perpetuum quitaverunt, firmiter promittentes fide sua quod tam ipsam ecclesiam quam dictos Evrardum, et uxorem ejus, et filios eorum, super premissa venditione in perpetua pace tenerent. Et versa vice, pro hac siquidem quitatione dicte ecclesie facta, antedicti Evrardus et A[gnes], uxor ejus, dictis filiis eorum suum prebentibus assensum, prefate Dulcie heredibusque suis, ubicumque ipsi domos vel alias possessiones habent et possident, similiter in perpetuum quitaverunt, fide sua se astringentes, quod contra hoc factum suum nullatenus venire vel aliquid attemptare presument. In cujus rei memoriam has litteras, ad petitionem parcium, sigillo curie Parisiensis fecimus consignari. Actum .
