Vente faite par Pierre Lejeune, chanoine de Paris, à Rasse, chanoine de Saint-Merry, d'une maison ayant appartenu à Roger Langlais.
- B Bibliothèque vaticane, Reg. lat. 907, fol. 49, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De venditione cujusdam domus Rascie, canonico Sancti Mederici. — Universis presentes litteras inspecturis officialis archidiaconi Parisiensis salutem in Domino. Notum facimus quod constitutus coram nobis venerabilis vir Petrus Juvenis5, canonicus Parisiensis, recognovit se vendidisse, proxx libris parisiensium, domino Rascie, canonico Sancti Mederici, domum quamdam sitam Parisius, in Vico Novo et in censiva Sancti Mederici Parisiensis, que domus fuit Rogerii Anglici6 de Sancto Victore, et ad quam domum idem Petrus assignatus erat, per dominos censive illius, super xxxv libras parisiensium, quam peccunie summam idem Rogerius domino Petro debebat, antequam clamdestine et fugitivus a civitate Parisiensi recessisset. Voluerunt etiam predicte partes, et hoc conditum fuit coram nobis, quod si forte contingeret venditionem dicte domus ab aliquo in posterum irritari, ille, qui dictam domum retraheret prefato Rascie, c solidos parisiensium, pro pena, cum predictis xx libris, reddere teneretur. Petrus vero de Tria de premissa venditione tenenda et de dictisxx libris et centum solidis parisiensium, pro pena, si dictam venditionem rescindi contingeret, reddendis, in contraplegium domum suam, sitam Parisius in Vico Novo et in censiva Sancti Mederici Parisiensis, contiguam domui prefati Rogerii, memorato Rascie, fide interposita, pignori obligavit ; quia idem Petrus de Tria super xxxv libris parisiensium plegius erat, pro prefato Rogero, erga dominum Petrum, canonicum Parisiensem, prout idem Petrus de Tria recognovit coram nobis. Dominus vero Petrus Juvenis, canonicus Parisiensis, venditionem dicte domus tenetur garantizare, et hoc concessit coram nobis, prout dictam domum garantizare potuerit, bona fide. In cujus1 rei memoriam et testimonium, presentes litteras sigillo nostro, cum sigillo domini Petri ibi appenso, sigillari curavimus. Actum .
