École des chartes » ELEC » Cartulaires d'Île-de-France » Saint-Merry de Paris » Cartulaire » Juillet 1219

Don fait à l'église de Saint-Merry par Guillaume de Meaux, à la veille de son départ pour la Terre Sainte, et par Sibille, sa femme, de diverses maisons et de 100 livres à l'effet d'établir, après leur mort, une chapellenie dans ladite église.

  • B Bibliothèque vaticane, Reg. lat. 907, fol. 43, cartulaire du XIIIe ou XIVe siècle.
  • a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
D'après a.

De collatione quarumdam domuum et centum librarum parisiensium ad emendum redditus, ad opus capelle cujusdam in ecclesia Sancti Mederici, post obitum Guillelmi de Meldis et Sibille, ejus uxoris.Stephanus, decanus1, totumque capitulum Parisiense, omnibus presentes litteras inspecturis, in Domino salutem. Notum facimus quod, constituti coram nobis, Willelmus de Meldis, crucesignatus ad proficiscendum in Terram Sanctam, et Sibilla, uxor ejus, Parisienses, donaverunt ecclesie Sancti Mederici Parisiensis, post decessum suum, quatuor domos suas sitas prope furnum Templi1, in censiva Sancti Victoris, unam et dimidiam, et in censiva Sancti Mederici, duas domos et dimidiam, et centum libras parisiensium, de quibus redditus ementur, ad beneficium cujusdam capellanie, quam ipsi pro remedio animarum suarum instituerunt in memorata ecclesia ; et eandem capellaniam, coram nobis, Nicholao, clerico, filio eorum, de consensu nostro contulerunt. Sciendum est autem quod idem Nicholaus, cum ad competentem etatem pervenerit, et successores sui, instituendi in eadem capellania, tenebuntur residentiam facere in dicta capellania et ordinari ad ordinem sacerdotii. Supradicte vero centum libre deponentur penes domum Templi Parisius, sub fideli custodia, usque ad duos annos, ex quo iter arripuerit idem Guillelmus, donec certum sit de ejusdem Guillelmi obitu vel reditu. Et si, infra duos annos, idem W[illelmus non redierit], per manus canonicorum Sancti Mederici, collocabuntur dicte centum libre in emptiones utiles ad opus beneficii supradicti. Si vero dictus Guillelmus rediret, ipse haberet dictas centum libras ad negociandum, salvo tamen capitale dicte ecclesie, prius prestita bona securitate et sufficienti de restituendis prefatis centum libris ecclesie antedicte ; et lucrum, quod de dictis centum libris posset pervenire, poneretur in augmentum reddituum beneficii supradicti. Prefati vero Guillelmus et ejus uxor omnes domos prenominatas et proventus, qui ex supradicta pecunia potuerunt haberi, capient et habebunt sine contradictione, quamdiu insimul vixerint, vel alter eorum, qui plus supervixerit. Quibus defunctis, capellanus dicte ecclesie, qui in eadem capella instituetur, quicumque fuerit, habebit supradictas domos et emptiones predictarum centum librarum. Obligaverunt etiam sepedicti Guillelmus et ejus uxor capellanum dicte capellanie, quicumque fuerit, ad reddendum, singulis annis, decem solidos canonicis et clericis de choro Sancti Mederici pro anniversario suo faciendo. Quorum de[cem solidorum] quinque reddentur, 2, et alii quinque solidos, . In cujus rei testimonium et memoriam presentes litteras, ad petitionem dictorum W[illelmi] et S[ibille], uxoris sue, sigillo nostro fecimus consignari2. Actum .


1 Cet Étienne, qui n'est pas autrement connu, fut doyen de 1216 à 1220.
1 Il est de nouveau question de ce four dans la pièce LVII. Le ms. porte ici par erreur « furnum Templum. »
2 C'est-à-dire le lendemain du premier dimanche de carême.
1 La fête de saint Denis est célébrée le 9 octobre.
2 Il est de nouveau question de ce don dans la pièce XIII.