Don fait par Guy Le Prestre, chapelain de feu Adam Bigue, de 8 sous de rente pour son anniversaire.
- B Bibliothèque vaticane, Reg. lat. 907, fol. 1-62, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De octo solidis census collatis a Guidone, capellano defuncti Ade Bigue, sitis super quadam domo sita Parisius, in vico qui dicitur Cul-de-Sac, in censiva Sancti Mederici. — Universis presentes litteras inspecturis officialis curie Parisiensis salutem in Domino. Notum facimus quod in nostra presentia constitutus dominus Guido Presbiter, capellanus defuncti Ade Bigue1, dedit et concessit, donatione inter vivos, ex nunc in perpetuum, in elemosinam, canonicis Sancti Mederici Parisiensis, ad opus anniversarii sui in ecclesia ejusdem Sancti Mederici celebrandi, octo solidos parisiensium augmentati census, quos habebat et percipiebat idem presbiter, de conquestu suo proprio, super quadam domo sita Parisius in vico qui dicitur Cul-de-Sac2, in censiva dicte ecclesie Sancti Mederici, ut dicebat, ita tamen quod ipse Presbiter dictos octo solidos habebit et percipiet, quamdiu vixerit, quoad usumfructum tantummodo. Voluit etiam et concessit quod, in vigilia anniversarii sui, distribuantur quatuor solidi, et, in die, alii quatuor solidi de censu predicto. Et promisit idem Presbiter, fide data in manu nostra, quod contra donationem hujusmodi per se vel per alium non veniet in futurum. .
