Notum fieri volumus tam futuris1 quam presentibus quod ego Petrus2, beati Maglorii abbas, consensu fratrum nostrorum, partem quamdam terre nostre, que est ad caput ecclesie Sanctorum Innocentium, canonicis ecclesie Sancti Mederici sic donamus et habendam concedimus, ut omnes redibitiones et consuetudines, parrochiam, viaturam et quicquid ad eam pertinet inde habeant et in perpetuum quiete possideant. Ipsi autem quandam terram suam, que officinis nostris proxima erat, similiter cum omnibus consuetudinibus, cum parrochia et omnibus redibitionibus, per manum capituli Beate Marie3, nobis concesserunt, ut haberemus et in perpetuum quiete possideremus. Hanc autem mutuam donationem, ne ab aliquo posset infringi vel oblivione deleri, noticie litterarum curavimus tradere et sigilli impressione beati Maglorii munire. Hujus rei testes sunt : ego Petrus, abbas, Rivallonus, prior, Girelmus, Tirathrius, Ascelinus, Gaufridus, Johannes, puer, Erchambaudus, puer, Rainaldus, puer. Actum publice in capitulo beati Maglorii anno incarnati Verbi Mº Cº LVIº.