Composition entre Benoît, chanoine de Saint-Merry, et ses collègues, au sujet d'une maison et des revenus de deux bénéfices qu'il avait institués dans leur église.
- B Bibliothèque vaticane, Reg. lat. 907, fol. 55, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De compositione pacis habita inter canonicos Sancti Mederici et Benedictum, concanonicum ejusdem ecclesie, super quadam domo et proventibus duorum beneficiorum. — G[aufridus]1, archidiaconus, magister Herbertus et Guillelmus de Varziaco1, canonicus Parisiensis, omnibus presentes litteras inspecturis salutem in Domino. Noverint universi quod cum inter Benedictum, canonicum Sancti Mederici Parisiensis, ex una parte, et concanonicos suos, ex altera, contentio verteretur super proventibus duorum beneficiorum, que idem Benedictus in ecclesia Sancti Mederici instituit, quorum beneficiorum proventus ipse Benedictus asserebat se, quamdiu viveret, percepturus, et super quadam domo, quam communitati et anniversariis ejusdem ecclesie contulerat, ut predicti canonici allegabant, nec tamen et super quodam thuribulo argenteo et xii libris parisiensium, quas ab ipso Benedicto sibi restitui postulabant, tandem, mediante bonorum virorum industria, utriusque partis fide interposita, amicabilis intercessit compositio in hunc modum quod dicti canonici ipsum Benedictum de thuribulo et duodecim libris penitus absolverunt, et concesserunt eidem quod proventus duorum predictorum beneficiorum , quoad vixerit, percipiat, et de ipsis proventibus pro sua voluntate disponat. Concesserunt etiam ipsi canonici, intuitu Dei, duobus alumpnis ipsius Benedicti, ad quorum sustentationem, illa duo beneficia constituisse dinoscitur, quod in communitate et anniversariis ipsius ecclesie percipiant, sicut canonici et quicumque post ipsos pueros illa beneficia obtinebunt, que sunt et erunt de cetero in perpetuum capellanie. Dictus quoque Benedictus domum suam, juxta terraciam sitam, sicut magnum suum cellarium se comportat, dedit et quitavit communitati et anniversariis in perpetuum possidendam, hoc tamen retento quod cellarium ipsum, quamdiu vixerit, retinebit, post obitum autem, quod fenestra que illuminat cellarium, ex parte pratelli, ab herede vel successore ipsius Benedicti, nullatenus poterit obturari. In cujus rei memoriam et testimonium has litteras, de consensu parcium, sigillis nostris fecimus communiri. Actum .
