Cession de 5 chambres faite par les chanoines de Saint-Merry à l'hôpital de la Trinité, moyennant le payement d'un cens annuel de 7 sous.
- B Bibliothèque vaticane, Reg. lat. 907, fol. 45v°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De quitatione quarumdam camerarum facta domui Sancte Trinitatis a canonicis Sancti Mederici. — Ego P[etrus de Nemosio], Dei gratia Parisiensis episcopus, omnibus ad quos presentes littere pervenerint in Domino salutem. Noveritis quod canonici Sancti Mederici Parisiensis, in nostra presentia constituti, domui Sancte Trinitatis1 Parisiensis quinque cameras, que in eorum censiva date fuerint in elemosina predicte domui, de communi assensu canonicorum, in perpetuum possidendas benigne concesserunt, retenta tamen dictis canonicis Sancti Mederici omni justitia fundi terre in eisdem cameris, tali quidem conditione quod prenominata domus [Sancte Trinitatis] predictis canonicis septem solidos censuales, capiendos, pro cameris habendis reddere tenebitur annuatim. Preterea sciendum est quod, si contigerit in futuro prenominatos canonicos Sancti Mederici, sive in domibus, sive in aliis possessionibus quibuscunque, aliquid adipisci, in potestate domus Sancte Trinitatis, ad equipollanciam predictarum camerarum et pro totidem solidis, de acquisitione facta in sua censiva, permittet dicta domus canonicis Sancti Mederici pacifice possidere. Quod ut debitam teneat firmitatem, et ne alicujus malignitate in posterum perturbetur, ad petitionem utriusque partis, fieri fecimus presens scriptum, et sigilli nostri munimine confirmari. Actum .
