Cession faite par l'abbesse de Saint-Antoine aux chanoines de Saint-Merry de 2 sous, d'un côté, et de 15 sous 2 deniers de rente, de l'autre, sur des maisons sises dans leur terroir.
- B Bibliothèque vaticane, Reg. lat. 907, fol. 51, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
Qualiter abbatissa Sancti Antonii dedit canonicis Sancti Mederici ii solidos, ex una parte, et, ex alia,xv solidos et duos denarios annui redditus. — Soror Amicia, dicta abbatissa, totusque conventus Sancti Antonii Parisiensis omnibus presentes litteras inspecturis salutem in Domino. Notum facimus quod cum Adam Foec, defunctus, legasset nobis in elemosinam perpetuam decem solidos parsiensium de incremento census percipiendos, annis singulis, super domum Garini Huttaut, sitam Parisius, in fundo terre canonicorum Sancti Mederici Parisiensis, nos volumus et concessimus eisdem canonicis, quod ipsi, in recompensatione ventarum que de dictis decem solidis possent evenire aliquando, duos solidos de jamdictis decem solidis in perpetuum percipient ; et ipsi canoniciviii solidos super domum predictam nobis percipere et in perpetuum pacifice possidere concesserunt. Item notum facimus quod, cum Bernardus de Sancto Victore nobis et quibusdam aliis ecclesiis legasset, in perpetuam elemosinam, sexaginta duos solidos et duos denarios de incremento census percipiendos, annis singulis, super quasdam domos sitas Parisius, in fundo terre dictorum canonicorum, que domus fuerunt ipsius Bernardi, nos, cum aliis ecclesiis, volumus et concessimus quod predicti canonici, annis singulis, in perpetuum percipientxv solidos et duos denarios tantummodo de predictislxii solidis etii denariis, in recompensationem ventarum, que de prefatis sexaginta duobus solidis et duobus denariis possent aliquando provenire. Et idem canonici nobis et ecclesiis aliis totum residuum in perpetuum possidere et super easdem domos percipere concesserunt ; ita quod nos, pro parte nostra,ix solidos super prefatas domos quiete et libere in perpetuum percipiemus1. Recognoscimus etiam quod in predictis domibus nichil penitus reclamamus vel in futurum reclamabimus, nisi tantummodo super domum Garini Hurtaut viii solidos, et super domos, que sunt defuncti Bernardi de Sancto Victore, ix solidos, de puro censu augmentato, salvis eisdem canonicis antiquo censu capitali, quem persolvent hospites domorum predictorum, justitia, venditionibus, eventionibus et omnibus aliis que ad fundum terre possunt et debent jure communi pertinere. In cujus rei memoriam et testimonium presentes litteras fecimus annotari et sigilli nostri appositione muniri. Actum .
