Confirmation par le doyen et le chapitre de Paris de l'accord conclu entre les chanoines de Saint-Merry et ceux de Saint-Thomas du Louvre, au sujet d'une rente de 100 sous sur une maison située dans la censive de Saint-Merry.
- B Bibliothèque vaticane, Reg. lat. 907, fol. 42v°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
Quo modo canonici Sancti Mederici quitaverunt canonicis Sancti Thome de Lupara in manu mortua c solidos pro xxx ª solidis annui census. — [Lucas], decanus2, totumque capitulum ecclesie Parisiensis omnibus presentes litteras inspecturis, in Domino salutem. Notum facimus quod canonici Sancti Mederici Parisiensis, in nostra presentia constituti, voluerunt et unanimiter concesserunt ut canonici Sancti Thome de Lupara Parisiensis3 teneant et possideant, in manu mortua in futurum, centum solidos annui redditus, quos Johannes de Kala4 et Johanna, uxor ejus, dicebantur habere in quadam domo sita, Parisius, in cuneo vici Andree Malet5, in censiva ecclesie Sancti Mederici Parisiensis, quam domum tenet Nicholaus, decanus Sancti Thome de Lupara, ad tres obolos capitalis census, ut dicebant ; ita tamen quod, in recompensationem istius concessionis, predicti canonici Sancti Mederici percipient super eadem domo, primo et principaliter annuatim perpetuo, xxx solidos parisiensium annui redditus, terminis inferius annotatis : videlicet , quindecim solidos ; et , quindecim solidos. Voluerunt siquidem et concesserunt predicti canonici Sancti Mederici Parisiensis quod totum residuum dicte domus, ultra dictos centum solidos Sancti Thome et triginta solidos parisiensium Sancti Mederici annui redditus, idem N[icholaus], decanus, teneat et conferat seu vendat, cuicumque voluerit, ecclesie sive loco religioso vel persone, absque coactione vendendi seu alienandi, in manu mortua perpetuo possidendum, salvo tamen et retento ecclesie Sancti Mederici dicto capitali censu trium obolorum, et in aliis a premissis omni jure et dominio, quod ipsi canonici Sancti Mederici in eadem domo habere dinos cuntur. Nos igitur istam concessionem, ad petitionem utriusque partis, ratam et firmam habentes, confirmamus et approbamus eandem ; et, ne super hoc possit in posterum aliquid in contrarium attemptari, nos presenti pagine sigillum nostrum duximus apponendum. .
