Abandon fait par les chanoines de Saint-Merry aux religieux de l'abbaye du Bec-Hellouin des droits qu'ils avaient sur une maison appelée de la Barre et possédée par ces derniers.
- B Bibliothèque vaticane, Reg. lat. 907, fol. 61r°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
Carta de Barra. — Universis, et cætera. Notum facimus quod nos , litteras inferius annotatas vidimus in hec verba : Omnibus hoc visuris G[aufridus de Barbo], decanus, et capitulum Parisienses salutem in Domino sempiternam. Notum facimus quod in nostra presencia constituti canonici Sancti Mederici Parisiensis asseruerunt, recognoverunt et confessi sunt coram nobis quod ipsi, unanimi assensu, diligenti habito super hoc tractatu et pensata utilitate ecclesie sue Sancti Mederici predicte, concesserunt, et quitaverunt et relaxaverunt expresse et ex certa scientia viris religiosis abbati et conventui monasterii Beate Marie de Beco Helloyni, Rothomagensis dyocesis, et eorum successoribus et causam habituris ab eisdem, in perpetuum, rotagium, cantelagium, coustumam, consuetudinem et exactionem quamlibet, et omne jus, et omnem redditum que habebant et habere poterant quorumque in manerio dictorum religiosorum sito Parisius, versus furnum Templi2, quod manerium vocatur manerium de Barra1, in censiva canonicorum predictorum, et quicquid petebant seu petere poterant, pro mortificatione sex librarum parisiensium annui redditus, seu alio quocumque modo, a religiosis predictis, ratione emptionis dictarum sex librarum parisiensium annui redditus augmentati census, quem redditum emerant a Johanne dicto Barbete, juniore filio quondam Philippi Barbete defuncti, quas idem Johannes habebat in manerio seu supra manerium supradictum, retentis dictis canonicis et eorum successoribus tantummodo in dicto manerio duodecim denariis annui census capitalis et justicia seculari in hospitibus dicti manerii, sicut in aliis hospitibus suis. Et, pro concessione et quitatione et relaxatione predictis, dicti canonici habuerunt et receperunt a prefatis religiosis centum libras turonensium, de quibus se tenuerunt coram nobis plenarie pro pagatis. Quam peccunie summam confessi sunt et asseruerunt coram nobis in utilitatem predicte ecclesie Sancti Mederici esse conversam. Et, si dictum manerium vendatur et ad manum redeat secularem, canonici predicti habebunt inde rentas consuetas. Nos vero decanus et capitulum Parisienses predicti, pensata utilitate dicte ecclesie Sancti Mederici et ipsorum canonicorum, ad petitionem eorumdem, supradicta omnia et singula volumus et concedimus et auctoritate nostra confirmamus. In cujus rei testimonium sigillum nostrum presentibus litteris duximus apponendum. . — Transcriptum autem hujusmodi litterarum fecimus sub sigillo curie Parisiensis, salvo jure cujuslibet Datum [anno] et die predictis.
