École des chartes » ELEC » Cartulaires d'Île-de-France » Saint-Merry de Paris » Cartulaire » 1213

Vente faite par diverses personnes aux chanoines de Saint-Merry de 62 sous de rente sur des maisons sises dans le terroir de leur église.

  • B Bibliothèque vaticane, Reg. lat. 907, fol. 56, cartulaire du XIIIe ou XIVe siècle.
  • a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
D'après a.

De emptione sexaginta duorum solidorum augmentati census sitorum in diversis locis in fundo tamen terre Sancti Mederici, et a diversis hominibus emptorum. — Officialis episcopi Parisiensis omnibus presentes litteras inspecturis salutem in Domino. Noveritis quod constituti coram nobis Durandus Poncherus et ejus uxor recognoverunt se vendidisse, pro quindecim libris parisiensium, canonicis Sancti Mederici Perisiensis triginta solidos censuales de augmentato censu, supra tres domos contiguas, quas idem Durandus ejusque uxor habent sitas in fundo terre dictorum canonicorum prope Sanctum Medericum. Preterea Richardus Aurelianensis et Ermengardis, ejus uxor, constituti coram nobis, similiter recognoverunt se vendidisse, pro octo libris, dictis canonicis xvi solidos censuales de augmentato censu, supra domum suam, sitam in fundo terre dictorum canonicorum, prope Sanctum Medericum. Insuper Sanctissima Mulier, civis Parisiensis, recognovit coram nobis se vendidisse, pro xiii libris, sepedictis canonicis sexdecim solidos censuales de augmentato censu supra domum suam, sitam in fundo terre dictorum canonicorum, prope Sanctum Medericum. Omnes vero predicti venditores fiduciaverunt quod supra, censum, qui jam positus est in prefatis domibus, nisi de voluntate et consensu memoratorum canonicorum, non poterunt majorem censum statuere. Nos vero, ad petitionem supradictorum partium, istas pactiones in scriptis redegimus et sigillo curie Parisiensis consignavimus. Actum .