Confirmation par Louis VII d'un échange de terre fait entre l'abbé de Saint-Magloire et les chanoines de Saint-Merry.
- B Bibliothèque vaticane, Reg. lat. 907, fol. 45bis v°, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De excambitione cujusdam terre facta inter abbatem Sancti Maglorii, ex una parte, et canonicos Sancti Mederici, ex altera. — In nomine sancte et individue Trinitatis. Amen, [Ludovicus, Dei gratia Francorum rex]. Si ex caritate proximorum sibi ab invicem quilibet obnoxii sunt, multo magis ecclesie sibi subservire debent et omne munus caritatis adimplere. Sciant itaque universi presentes atque posteri quod Petrus1, abbas Sancti Maglorii, per assensum capituli, cum canonicis Sancti Mederici terram quamdam excambiavit et aliam donavit contiguam terre Sancti Mederici, illam videlicet quam dux Hugo capelle Sancti Maglorii, ubi nunc est abbatia, contulit in elemosinam liberam et immunem et sine omni2 consuetudine habendam, quam monachi in eadem libertate deinceps possidendam predictis clericis transmiserunt ratione excambii. Nos vero, rogati [ab] abbate, concessimus excambium quod ecclesia beati Mederici terram illam in perpetuum habeat quietam, sicut data fuit a duce Hugone penitus liberam. Quod ut ratum sit in posterum et inconcussum, sigilli nostri auctoritate et nominis nostri caractere, confirmari precipimus et signari. Actum Parisius , astantibus in palatio nostro quorum subscripta sunt nomina et signa. Signum3 comitis Theobaldi4, dapiferi nostri ; signum Guillelmi 15, buticularii ; signum Mathei6, camerarii ; signum Mathei7, constabularii. Data per manum Hugonis8, cancellarii.
