Composition accordée par les chanoines de Saint-Merry au maître et aux frères de l'Hôtel-Dieu de Paris, au sujet de rentes que ces derniers percevaient sur des maisons situées dans le terroir de ladite église.
- B Bibliothèque vaticane, Reg. lat. 907, fol. 44, cartulaire du XIIIe ou XIVe siècle.
- a Cartulaire et censier de Saint-Merry de Paris, éd. Léon Cadier et Camille Couderc, Paris, 1891.
De compositione facta super census quos Domus Dei Parisiensis habebat et possidebat in terra canonicorum Sancti Mederici. — Decanus, totumque capitulum Parisiense, omnibus presentes litteras inspecturis, salutem in Domino. Notum facimus quod, cum magister et fratres Domus Dei Parisiensis quosdam census augmentatos haberent, eis in elemosina legatos, supra domos quasdam sitas, Parisius, in fundo terre Sancti Mederici Parisiensis : videlicet supra domum Philippi Hamelin, viginti duos solidos ; supra domum Radulfi Chenoel, sex solidos ; supra domum domini Stephani de Sacrocesare, octo solidos ; supra domum Roberti Matricularii, sex solidos ; quos census predicta Domus Dei sine consensu et voluntate canonicorum Sancti Mederici tenere non poterat ; tandem ipsi canonici Sancti Mederici, ad instantiam magistri et fratrum Domus Dei, voluerunt et concesserunt quod Domus Dei Parisiensis census prenominatos in perpetuum teneat et habeat pacifice et quiete, ita quod magister et fratres Domus Dei ad illos census vendendos vel alienandos de cetero non poterunt coactari. Et sciendum quod magister et fratres sex solidos augmentati census, quos percipere solebant supra domum Durandi, presbiteri, ab opposito Sancti Mederici sitam, sepefatis canonicis Sancti Mederici in perpetuum quitaverunt et concesserunt, propter alios census prenumeratos ab ipso magistro et fratribus perpetuo possidendos. Hec autem facta sunt, salvis, in jamdictis domibus et retentis ecclesie et canonicis Sancti Mederici, dominii, justicie proventibus et consuetudinibus fundi terre. Nos igitur, utriusque ecclesie utilitate pensata, supradicta laudantes et approbantes, presentes litteras, ad petitionem utriusque partis, sigillo nostro duximus roborandas. Actum .
