Garnier Maufillastre approuve la concession d'une sente par maître Etienne de Bouconvilliers, à divers bourgeois de Pantoise

Ego Garnerus Maufillastre notum facio tam presentibus quam futuris quod magister Stephanus de Bouconviler dedit et concessit Ricardo Potin et aliis et heredibus eorum quandam semitam sex pedum de lato, a medio fosse que est inter eum et Girardum Marescallum usque ad suam terram et a duabus tessiis1 in longum ultra ortum Girardi Marescalli, ad eundum usque ad primam vinearum suarum, et reddent predicto magistro Stephano et heredibus suis duos denarios censuales de unoquoque arpento singulis annis ad festum S. Remigii. Predicti autem homines facient clausturam sufficientem de suo proprio inter eos et magistrum Stephanum, tali modo quod si magister S. vel ejus heredes paciantur aliquid dampnum pro defectu illius clausture, et si infra octo dies quod submoniti erent ipsi nollent emendare, ex tunc perdant illam semitam et in hoc universi communiter concesserunt ut in illam semitam eat vel redeat preter illos qui opus habent et habebunt in vineis illis. Et ut hoc sit firmum et stabile, ego G. Maufillastre supra nominatus, de cujus dominio iste vinee manent, ad peticionem utriusque partis presentes litteras sigilli mei munimine roboravi. Actum anno Domini Mº CCº XXº VIIº. Mense maii.