Amortissement par damoisele Ysabel de Villette et son frère Jehan de Bauchevillier, du tiers de la dîme de Genicourt, pour la fondation de la chapellenie de Mortefontaine

A tous ceus qui ces presentes lettres verront et orront Dreue le Geune garde du seel de la chastelerie de Pontoise pour nostre sire le roi salut. Sachent touz que pardevant nous vindrent en propres persones damoisele Ysabel fame jadis (de Eustache de Villete) escuier, en ce temps vueve, et Jehan dit de Bauchevillier frere dicele damoisele, escuier... et afferma ladite damoisele quele tenoit en arriere fie dudit Jehan... la tierce partie de la disme de Genicourt par la maniere et sur la quantité des aumosnes, paianz (ou ayant) ou temps passe esté paiees sur ledit fie de ladite disme. Et adecertes ledit Jehan escuier disoit lui tenir ladite tierce partie de disme en arriere fié de Thibaut Dardel de Menouville, escuier. Et distrent en affermant lesdiz damoisele Ysabel et Jehan son frere escuier, que Pierre de Mortefontaine clerc et damoisele Ermangart sa fame trespassez, ou temps que ils vivoient, ladite tierce partie de disme avoir tenue en plein fié des devanciers dicele damoisele Ysabel. Laquele tierce partie de disme lesdiz trespassez en leur derreniere volenté avoient lessié ordonné et quitié en pure aumosne... C'est à savoir à fonder une chapelerie perpetuele en la ville de Mortefontaine en la chapele Saint-Menne (sic) pour le salut de leurs ames et en remede de leurs antecesseurs et de tous autres trespassez... Enseur que tout pour ce establiz par devant nous en droit ladite damoisele Ysabel et ledit Jehan... octroierent, loerent et orent aggreable la volonté dessusdite desdiz trespassez, tant por le bouen propos pitable come par le desierrer effectueus diceus trespasses, come par la requete de religieus home labbé de Ressons Monseigneur Robert de Vernon chanoinne de Tours et Auberi.... bourgois de Meru exsequteurs de la derreniere volonté desdiz trespassez.... lan de grace mil et trois cenz le vendresdi apres feste saint Martin de estei. 1 Ceste lettre a esté rescellée des sceaux nouvaux par nous Guillaume de la Fontaine garde diceulz pour ce que les autres dont elle estoit scellée estoit un peu blecié. (Signé) : Gernié.