Annet Patou et sa femme Petronille donnent à l'Hôtel-Dieu leur maison à Saint-Leu

Universis p. l. i. Officialis curie Parisiensis s. in. D. Notum facimus quod coram nobis constituti Annetus1 dictus Patou de Sancto Lupo et Petronilla ejus uxor asseruerunt quod ipsi habebant de conquestu suo apud Sanctum Lupum quandam domum cum jardinio in vico qui dicitur Vicus subtus Furnum, contiguos ex una parte domui Foucaudi filii quondam defuncti Huberti dicti Poncet et ex altera domui Agnetis uxoris Luce Coci, in censiva domini Johannis de Noento militis, oneratos in decem et octo sextarios vini reddendos annuatim, videlicet priori de Bosco Sancti Petri duodecim sextarios et Domui Dei de Pontissara sex sextarios in vindemiis, ut dicebant. Quam masuram seu domum, cum jardino, prout se comportat ante et retro in longitudine et latitudine, cum vinea retro domum existente dicti Annetus et Petronilla recognoverunt in jure coram nobis, spontanei non coacti, et ex eorum certa et mera consciencia, se dedisse et in perpetuum concessisse donationem factam inter vivos in puram et perpetuam elemosinam et sine spe revocandi post mortem ipsorum Anneti et ejus uxoris, Domui Dei de Pontissara... volentes quod Domus predicta ex nunc plenariam faciat voluntatem de quadam platea sita in jardino dicte domus, videlicet de fossato quod est prope magnam pirum usque ad domum dicti Foucaudi, prout illa platea se comportat, usque ad hayam que est versus domum Luce predicti... Et expresse concesserunt quod quemcumque alterum ipsorum decedere contigerit, dicta Domus Dei se juvare possit de medietate cujusdam granchie que est in masura predicta, una cum superstite dictorum Anneti et ejus uxoris ; et si placeat rectori, priorisse, seu fratribus et sororibus dicte Domus Dei, quod super dicta granchia edificare valeant... Datum anno Domini Mº CCº septuagesimo, die Lune post dominicam qua cantatur Letare Jerusalem.