Philippe de Beaumont confirme un don de Adam Le Clerc de Champagne aux moines du Val.
- B Collation de la présente a esté faicte sur son original le dixième Juin mil six cent soixante-diz. Signé : Dauvray et Dagneaux (notaires royaux à Pontoise.). Arch. hosp. Pontoise, B 9. Détruit en 1944.
- a Cartulaire de l'Hotel-Dieu de Pontoise, éd. Joseph Depoin, Pontoise, 1886.
Notum sit omnibus tam futuris quam presentibus quod Ego Philippus frater Mathei comitis Bellimontis dedi et in perpetuam eleemosinam concessi ecclesiæ Sanctœ Mariæ de Valle omnem justiciam domus quam Adam Clericus de Campaniis eidem ecclesiæ contulerat cum masura eidem domui adjacente et arpenno nemoris in costumis ad eamdem domum pertinente, eo tenore quod si fratres vel servientes illius ecclesiæ homicidium vel furtum sive crimen aliquod super quo irretiri debeant in eadem domo vel in masura sua (quod absit) perpetraverint, tunc abbas omnem justiciam habebit. Si vero alienigena sive adventitius aliquis qui ad jurisdictionem jam dictæ Ecclesiæ non pertineat, aliquod supradictorum facinorum vel ipsis consimilium in domo illa commiserit, tunc justicia mea erit. Et sciendum quod prætaxatam domum præfatæ ecclesiæ in perpetuum possidendam concessi liberam a foragio, rotagio, talliis, corveis, omnibus consuetudinibus et exactionibus, tali tamen conditione quod eadem Ecclesia quatuordecim denarios Belvacensis monetæ nomine census et unam minam avenæ singulis annis quamdiu vixero mihi nihil hominus persolvet. Qui quidem census et mina avenæ post obitum meum eidem ecclesiæ pro salute animæ meæ remanebit. Hujus rei testes fuerunt Theobaldus de Ronkerolis, Theobaldus de Campanis, Balduinus decanus de Joiaco, Adam presbiter de Campaniis, et Garinus Maior. Quod ut ratum et inviolabile permaneat præsentem cartam conscribi et sigilli mei impressione feci roborari. Actum publice .
